تحریک انصاف دے نال ہم تے رھاساں ، شاہ محمود قریشی دا ول اعلان
اسلام آباد: پاکستان تحریک انصاف دے وائس چیئرمین شاہ محمود قریشی نے ھک واری ول آکھیا ھِ کہ میں پی ٹی آئی دے نال ھم ، ھاں تے رھاساں۔
سابق وفاقی وزیر خارجہ شاہ محمود قریشی توں اڈیالہ جیل اچ انہاں دی صاحبزادی گوہر بانو قریشی تے وکیل بیرسٹر تیمور ملک نے ملاقات کیتی۔ وکیل بیرسٹر تیمور ملک دی شاہ محمود قریشی نال قانونی امور تے اہم مشاورت تھئی ۔ وکیل بیرسٹر تیمور ملک نے آکھیا کہ شاہ محمود قریشی دی غیر قانونی نظر بندی دے حوالے نال کل لاہور ھائی کورٹ پنڈی بنچ اچ اہم سماعت تھیسی۔
ملاقات اچ شاہ محمود قریشی نے عمران خان تے پارٹی کارکنان کوں پیغام ڈیندے ہووے آکھیا کہ میں عمران خان دے نال کھڑا ھاں تے کھڑا رھاساں۔
سرائیکی نیوز
