آوݨ والی مصالحہ ایکشن فلم ٹچ بٹن دی پروڈیوسر و ادکارہ عروہ حسین نے سونیا حسین دی طرفوں بھجوائے گئے ٥٠ لکھ روپے دے نوٹس توں متعلق آکھیا کہ انہاں کوں یقین ھِ کہ ادکاری کوں کوئی غلط فہمی تھئی ھِ
سونیا حسین نے چند ڈینھ پہل ڈسایا ھا کہ انہاں عروہ حسی نکوں ٹچ بٹن اچ کم کرݨ دا معاوضہ نہ ڈیوݨ تے پنجھا لکھ روپے ھرجانے دا قانونی نوٹس بھجوایا ھا ۔ اداکارہ دے مطابق فلم دی شوٹنگ کوں مکمل تھئے ڈو سال گزر گئے ھن لیکن تا حال معاوۃ نی ملیا ، جئیں وجہ نال او ذہنی پریشانی دا وی شکار رہی ھِ ایں پاروں انہاں نے عروہ حسین کوں قانونی نوٹس بھجوا ڈیتا ۔
انہاں دی طرفوں بھجوائے گئے نوٹس اچ عروہ حسین کوںآکہا گیا ھا کہ او ١٤ ڈینھ دے اندر جواب ڈیوݨ ڈوجہی صورت اچ انہاں تے پنجھا لکھ ہرجانے دا دعوی دائر کیتا ویسی ۔
عروہ حسین دی طرفوں تاحال سونیا حسین کوں کوئی جواب نی ڈیتا گئیا بکہ پروڈیوسر نے اداکارہ دی طرفوں نوٹس بھجوائے ونجݨ دے معاملے اچ وی بے خبری دا اظہار کر ڈیتا۔ عروہ حسین حال اچ ھی ایکسپریس ٹی وی دے شو اچ شریک تھئی ھن جیتھاں میزبان نے انہاں توں سونیا حسین دی طرفوں بھجوائے گئے نوٹس توں متعلق پچھا جئیں تے انہاں آکھیا کہ انہاں کوں کہیں ایجھے معاملے توں متعلق کوئی علم کینی تے اے کہ انہیں کوں یقین ھِ کہ سونیا حسین کوں کوئی غلط فہمی تھئی ھِ
