سندھ ھائیکورٹ دا گم تھیوݨ والے بندیاں کوں لبھ تے عدالت اچ پیش کرݨ دا حکم

جسٹس نعمت اللہ پھلپھوٹو نے لاپتا بندیاں دی بازیابی پاروں درخواستاں دی سماعت کیتی، دورانِ سماعت عدالت نے تفتیشی افسر توں مکالمہ کریندے ہووے گم تھیوݨ والے بندیاں دی بازیابی پاروں وڈا حکم نامہ جاری کر ڈیتے۔

عدالت حکم ڈیتا کہ بندے مطلبو ھن یا از خود غائب تھئے ھن انہاں کوں لبھ تے عدالت اچ پیش کیتا ونجے۔ عدالت نے سبھ جیلاں، حراستی مرکز تے اداریاں توں جواب طلبی کر گھیدی۔

ایندے علاوہ عدالت گم تھیوݨ والے بندیاں دی ٹریول ھسٹری وی پیش کرݨ دا حکم ڈے ڈیتا وفاقی وزیر داخلہ سیکریٹری دفاع تے دیگر کوں وی رپورٹاں پیش کرݨ دا حکم ڈے ڈیتا۔۔

عدالت نے ھدایات جاری کریندے ہووئے آکھیا کہ لا پتہ بندیاں دے معاملے تو جو وی کارروائی کیتی ویندی ھِ روزانہ دی بنیاد تے عدالت کوں ڈسایا ونجے۔

جسٹس نعمت اللہ پھلپھوٹو آکھی اکہ گم تھیوݨ والے شہریاں دی تصویراںپرنٹ تے الیکٹرانک میڈیا تے شائع کیتی ونجے،

جئیں تے تفتیشی افسر دا آکھݨ ھا کجھ لا پتہ شہری از خود روپوش تھئی گئے ھن ، کجھ بندیاں دا تعلق لیاری گینگ وار تے ذاتی دشمنی دی بنیاد تے وی غائب ھن، جے آئی ٹیز تے صوبائءی ٹاسک فورس دے اجلاس ترجیحی بنیاداں تے تھیندے پئن۔

سرکاری وکیل آکھیا کہ جئیں لا پتہ بندیاں دی جبری گمشندگی ثابت تھیندی پئی ھ انہاں کوں سندھ حکومت نے معاوضہ وہ ڈیتا ھِ

جبران ناصر ایڈووکیٹ نےعدالت کوں آگاہ کیتا کی رپورٹاں اچ ٢٠١٩ اچ تسلیم کیتا گئیا ھا ۔ جبری گمشدگی ھِ تاں گمشدہ شہری کیندے کول ھِ اے تاں ڈسایا ونجے۔

ایں ویلے دیگر گم تھیوݨ والے بندیاں دے اھل خانہ کمرہ عدالت اچ زارو قطار روندے رھے۔ درخواست گزاراں دے وکیل آکھیا کہ شہریاں دے ڈو بھیراواں کوں قتل کر ڈیتا گئیا ھِ ھݨ آکھا ویندا پیا ھِ کہ ایندا تعلق لیاری گینگ وار نال ھا ۔ لاپتہ شہریاں دے بھیرا نے موقف اختیار کیتا کہ عدالت نے ٨ سالاں اچ جو حکم نامے جاری کیتے ھن انہاں تے عملدرآمد ھی نی کیتا گئیا۔