یادگاری ڈاک ٹکٹ دا اجرا ء ، پاکستان پوسٹ ملک دی آزادی ، خودمختاری تے ترقی اچ ہمیشہ اپݨا کردار اداکیتے، مولانااسد محمود

0
1282
یادگاری ڈاک ٹکٹ دا اجرا ء ، پاکستان پوسٹ ملک دی آزادی ، خودمختاری تے ترقی اچ ہمیشہ اپݨا کردار اداکیتے، مولانااسد محمود

اسلام آباد۔12اگست (اے پی پی):وفاقی وزیر مواصلات و پوسٹل سروسزمولانااسد محمود آکھیے جو پاکستان دی آزادی دے 75 سال دی تکمیل تے محکمہ ڈاک دی طرفوں یادگاری ڈاک ٹکٹ دے اجرا دی تقریب اچ شرکت باعث اعزاز اے، پاکستان پوسٹ ملک دی آزادی ، خودمختاری اتے ترقی اچ ہمیشہ اپݨا کردار ادا کیتے ، اڄ دا ݙینھ ایں تجدید عہد داݙینھ اے ، اساں آپݨی روایات کوں برقرار رکھیندے ہوئیں صارفین دی خدمت اچ کردار اداکریندے رہسوں پاکستان پوسٹ کوں جدیدٹیکنالوجی نال ہم آہنگ تھی تے ملک تے وقوم دی ترقی اچ کلیدی کردار اداکرݨا اے، سروسز دی بہتری دے عزم دے نال ادارہ کوں منافع بخش بݨیسوں ۔ اے ڳالھ انہاں جمعے کوں ڈائمنڈ جوبلی دی تقریبات دے سلسلے اچ یادگاری ڈاک ٹکٹ دے اجرادی تقریب توں خطاب کریندے ہوئیں آکھی اے ، اے تقریب پوسٹل سٹاف کالج اسلام آباد اچ منعقد تھئی۔ وفاقی وزیرآکھیے جو ڈائمنڈ جوبلی دے موقع تے پوری قوم کوں مبارخ ݙٰندوں تے ایں عزم دا اظہار کریندوں جو محکمہ ڈاک ملک دی معاشی اقتصادی ترقی اچ آپݨاں نمایاں کردار اداکریندا رہسی ۔ پاکستان پوسٹ دی طرفوں یادگاری ڈاک ٹکٹ دااجرا کیتا ویندا پئے جیڑھا جو ھک خوش آئند اقدام اے۔ ایں تے محکمہ ڈاک تے وزارت مواصلات کوں مبارخ ݙٰینداں ۔

LEAVE A REPLY

Please enter your comment!
Please enter your name here