Advertisment
Advertisment
اسلام آباد

ہزاراں لوک زیر التواء مقدمیاں اچ ”گڈ ٹو سی یو“ دے منتظر ہن، سانحہ نو مئی دا ذمہ وار عمران خان اے، وفاقی وزیر اطلاعات مریم اورنگزیب

معاشی حالات دے باوجود پٹرولیم مصنوعات اچ ڳھٹکی کرتے عوام کوں وݙا ریلیف ݙتے

Advertisment
Advertiesment

سلام آباد۔16مئی  (اے پی پی) وفاقی وزیر اطلاعات و نشریات مریم اورنگزیب آکھیا جو ہزاراں لوک زیر التواء مقدمیاں اچ ”گڈ ٹو سی یو“ دے منتظر ہن، سانحہ نو مئی دا ذمہ وار عمران خان اے جئیں دے آکھݨ تے جی ایچ کیو، حساس عمارتاں اتے ریاستی املاک تے حملے تھیے، انہاں سانحیاں تے ہر دل ݙکھ اچ اتے ہر اکھ اشکبار اے، پی ٹی آئی جو کیتے او کوئی دشمن نی کر سڳدا۔ شر پسندی کھنݙاوݨ آلیاں دے خلاف قانون مطابق کاروائی تھیسی، پی ڈی ایم عدلیہ دے وقار کیتے احتجاج کیتے، ہک گملا نی ٻھنیا۔ منگل کوں پریس کانفرنس توں خطاب کریندیں ہوئیں انہاں پٹرولیم مصنوعات اچ ڳھٹکی تے عوام کوں مبارخ ݙیندیں ہوئیں آکھیا جو وزیرخزانہ اوکھے معاشی حالات دے باوجود پٹرولیم مصنوعات اچ ڳھٹکی کرتے عوام کوں وݙا ریلیف ݙتے۔ انہاں آکھیا جو عمران خان اپݨے چار سالیں اچ معاشی تباہی کیتی، لوکاں کوں بے روزگار کیتا، خارجہ پالیسی تباہ کیتی، آئی ایم ایف دا پروگرام معطل کیتا۔ اساں آئی ایم ایف پروگرام تے ولا ڳالھ مہاڑ شروع کیتی، ایں تے کم تھیندا پے۔ 9 مئی دے سانحہ بارے ڳالھ مہاڑ کریندیں ہوئیں انہاں آکھیا جو سانحہ نو مئی دا ذمہ وار عمران خان اے جئیں دے آکھݨ تے جی ایچ کیو، حساس عمارتاں اتے ریاستی املاک تے حملے تھیے، انہاں سانحیاں تے ہر دل ݙکھ اچ اتے ہر اکھ اشکبار اے، پی ٹی آئی جو کیتے او کوئی دشمن نی کر سڳدا۔ شر پسندی کھنݙاوݨ آلیاں دے خلاف قانون مطابق کاروائی تھیسی۔ وفاقی وزیر آکھیا جو فارن ایجنٹ اتے فتنہ اڄ کوڑ مریندا پے جو نو مئی کوں جو تھیے او ایجنسیاں کرائے، مراد سعید دی آڈیو اتے سنیھے عوام سݨین، کیا او ایجنسی دے بندے ہن؟ یاسمین راشد اتے اعجاز چوہدری حساس عمارتاں تے حملے دی ہدایت ݙیندی پی ہن۔ کیا او ایجنسی دے بندے ہن؟ پی ٹی آئی دی پوری قیادت نو مئی دی دہشت گردی اچ ملوث اے۔ انہاں آکھیا جو لسبیلہ دے شہیداں دے خلاف پی ٹی آئی دے آفیشل اکاؤنٹ توں مہم چلائیہئی کیا او ایجنسیاں چلائی ہئی؟ عمران خان قومی تنصیبات تے حملے کروا تے الزام اداریاں تے پاتے، اے عوام کوں بے وقوف سمجھدن، اینویں کائنا چلسی۔ سیاسی ردعمل دا شاہراہ دستور تے پاکستان دی عوام اپݨی اکھیں نال ݙٹھے، شاہراہ دستور تے پارلیمنٹ ہاؤس، سپریم کورٹ، ایوان صدر، الیکشن کمیشن دے دفتر سودھی اہم عمارتاں موجود ہن، کہیں ڄاہ کوئی نقصان نی تھیا۔ وفاقی وزیر اطلاعات آکھیا جو شہیداں دی یادگاراں ساڑݨ آلیاں کوں ریلیف نی ݙتا ونڄ سڳدا۔ ایں موقع تے پی ٹی آئی رہنماواں مراد سعید، شیخ امتیاز، علی چوہدری، چوہدری اعجاز، صغیر وڑائچ، خواجہ طارق رحیم، اعجاز منہاس، یاسمین راشد، عباد فاروق دی آڈیو لیکس وی میڈیا کوں سݨائی ڳی جئیں اچ او کور کمانڈر دے گھر، آرمی ہاؤس سودھی اہم تنصیبات تے حملیاں دی ہدایت ݙیندے پے ہن۔ صحافیاں دے سوال دے ولدے اچ انہاں آکھیا جو ملکی قوانین موجود ہن، جنہاں لوکاں تے جیڑھے قانون دے تحت مقدمے ٻݨین، اوندے مطابق کاروائی تھیسی۔ ملک اندر دہشت گردی، ملک دشمنی تے قانون مطابق سزا ملسی۔ ہک سوال تے انہاں آکھیا جو 2018ء اچ آر ٹی ایس بلہا تے عمران خان فتنے کوں ملک تے مسلط کیتا ڳیا ہئی جئیں دا خمیازہ اڄ قوم بھگتیندی پی اے۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے