کرسی دے طمے اچ ملک دے خلاف سازشاں رچاوݨ اتے تریمتیں ٻالیں کوں ݙھال ٻݨاوݨ آلا بزدل ہوندے، وزیر اطلاعات و نشریات مریم اورنگزیب

0
29

اسلام آباد (اے پی پی)وفاقی وزیراطلاعات و نشریات مریم اورنگزیب آکھیے جو اقتدار دی ٻکھ اچ بزدل عمران خان غیر ملکی لابی فرمز دیاں سازشاں نال حقیقی آزادی دی جنگ لڑدا ودے، جیڑھا اپݨی دھی کوں عزت نئیں ݙے سڳیا، ڄیڑھا کرسی دے لالچ اچ گھر دیاں تریمتیں کوں چوری اتے منی لانڈرنگ کیتے استعمال کرے، کالے ݙبے اچ منہ لکا تے ٻاھرو نکلے او جنگ نئیں لڑدا ٻھل بزدل سݙویندے۔ عمران خان دے بیان اچ ولدا ݙیندے مریم اورنگزیب آکھیا جو عمران خان او دلیر اے ڄیڑھا کالے ݙبے توں منہ ٻاھرو نئیں کݙھ سڳدا اتے کتھائیں منہ پاوݨ دا نئیں او نوازشریف کوں بزدل آہدے۔ انہاں آکھیا جو بزدل او ہوندے جیڑھا تریمتیں اتے ٻالاں کوں اپݨی اݙ ٻݨا تے آپ کٹھڑے ہیٹھ لک وںجے، او بزدل ہوندے جیڑھا کُرسی دی خاطر ملک دے خلاف سازش کریندے۔

LEAVE A REPLY

Please enter your comment!
Please enter your name here