وفاقی محتسب دے فیصلے دے خلاف اپیل مسترد ،صدر مملکت دی شالیمار ریکارڈنگ کمپنی کوں سکیورٹی کمپنی دے 10.32 ملین روپے دے بقایے ݙیوݨ دی ہدایت

saraikinews جون 1, 2023June 1, 2023 0 تبصرے 1 مناظر

Read Time:36 Second

اسلام آباد۔1جون (اے پی پی.سرائیکی نیوز) صدر مملکت ڈاکٹر عارف علوی شالیمار ریکارڈنگ اینڈ براڈکاسٹنگ کمپنی کوں سکیورٹی کمپنی دے 10.32 ملین روپے دے بقایے ݙیوݨ دی ہدایت کریندیں ہوئیں وفاقی محتسب دے فیصلے دے خلاف شالیمار ریکارڈنگ کمپنی دی اپیل مسترد کرݙتی اے۔

ایوان صدر دے پریس ونگ توں خمیس کوں جاری بیان موجب شالیمار ریکارڈنگ سکیورٹی خدمات دے عوض ہک کمپنی کوں 10.32 ملین روپے دے بقایے ݙیوݨے ہن، شالیمار ریکارڈنگ مالی بحران پاروں رقم ݙیوݨ توں معذوری ظاہر کیتی ہئی۔

صدرمملکت آکھیا جو سیکرٹری وزارت اطلاعات و نشریات سال دے اندر ماہانہ قسطاں اچ بقایے ݙیوے۔ اگر ضروری ہووے تاں سیکرٹری وزارت اطلاعات تے نشریات چھی مہینے اچ مجاز فورم توں منظوری ڳھنن۔