وزیراعظم شہباز شریف نال صدرٹویوٹا ایشیا اتے سی ای او انڈس موٹرز دی ملاقات

0
38
وزیراعظم شہباز شریف نال صدرٹویوٹا ایشیا اتے سی ای او انڈس موٹرز دی ملاقات

اسلام آباد۔1جون(اے پی پی)وزیراعظم محمد شہباز شریف آکھیے جو حکومت سرمایہ کاری ودھاوݨ کیتے صنعتاں کوں مکمل سہولتاں ݙیندی پئی اے، جاپانی کمپنیاں پاکستان اچ سرمایہ کاری دے ودھ مواقع توں فیدہ چاون، پاکستان اچ ہائبرڈ گاڑیاں دی پیداوار نال ایندھن دے درآمدی بل اچ کمی اتے قیمتی زرمبادلہ دی بچت تھیسی۔ اے ڳالھ انہاں ٹویوٹا ایشیا دے صدر یوشیکی کونیشی اتے انڈس موٹرز دے سی ای او علی اصغر جمالی نال الیندے آکھی۔

ملاقات اچ جاپان دے سفیر متسوہیرو وادا، وائس چیئرمین ٹویوٹا انڈس موٹرز شن جی یناجی، وفاقی وزیرِ خزانہ اسحاق ڈار، وفاقی وزیرِ صنعت و پیداوار مخدوم مرتضیٰ محمود، مشیر وزیراعظم احد خان چیمہ، معاونین خصوصی جہانزیب خان، طارق باجوہ اتے متعلقہ اعلیٰ حکام شرکت کیتی۔ وزیراعظم آکھیا جو پاکستان اچ سرمایہ کاری ودھاوݨ ترجیح اے، ایں سانڳے ودھ مواقع اتے سہولتاں موجود ہی، انجینئرنگ دے شعبے دی استعداد ودھدی پئی اے اتے سپیئر پارٹس دی برآمدات ودھایاں ویسن۔

وفد ٹویوٹا انڈس موٹرز دے 100 ملین ڈالر دی سرمایہ کاری، پاکستان اچ پہلی واری ہائیبرڈ گاݙیاں دا یونٹ لاوݨ اتے جولائی توں آٹو سپیئر پارٹس دی برآمد شروع کرݨ دا ݙسایا۔ وزیرِاعظم ہدایت کیتی جو پاکستان اچ وکݨ آلیاں ڳاݙیاں دا پارٹس مقامی طور تیار شدہ ہووے۔ جاپانی سفیر جاپان دی پاکستان اچ مختلف شعباں اچ سرمایہ کاری اچ دلچسپی دا ݙسایا۔

LEAVE A REPLY

Please enter your comment!
Please enter your name here