عالمی منڈیاں اچ اتار چڑھاؤ محنت کشاں دی معاشی اوکھ ودھا ݙتی اے۔ وزیراعظم

اسلام آباد۔1مئی  (اے پی پی) وزیر اعظم  محمد شہباز شریف آکھیا جو محنت کشاں دے حقوق کوں پورا کرݨ اتے لوکاں کوں نظام اچ حصہ دار ٻݨاوݨ عالمی معیشت کیتے ہک بنیادی چیلنج اے۔ سنوار کوں محنت کشاں دے جڳ ݙیھاڑ دے موقع تے اپݨے ٹویٹ اچ وزیراعظم آکھیا جو اڄ جتھ اساں محنت کش طبقے کوں زبردست خراج تحسیش پیش کریندن اتے انہاں دی شراکت دا جشن منیندن تاں اتھ حقیقت اے جو عالمی منڈیاں اچ اتار چڑھاؤ محنت کشاں دی معاشی اوکھ ودھا ݙتی اے۔ وزیراعظم آکھیا جو اجناس دے نرخاں اچ ودھارے پاروں محنت کش لوک خود کوں ٻہوں دباؤ اچ محسوس کریندن۔ وزیراعظم آکھیا جو محنت کشاں دے حقوق کوں پورا کرݨ اتے لوکاں کوں ںظام اچ حصہ دار ٻݨاوݨ عالمی معیشت کیتے ہک بنیادی چیلنج اے۔

Written By

More From Author

You May Also Like

Leave a Reply

Your email address will not be published. Required fields are marked *