ترائے روزہ بین الاقوامی کانفرنس (بچوں کا ادب:ماضی، حال اور مستقبل) دا انعقاد
Read Time:54 Second
اسلام آباد (اے پی پی) اکادمی ادبیات پاکستان ولوں اہتمام دائرہ علم تے ادب پاکستان دی سانجھ نال ترائے ݙینھ دی بین الاقوامی کانفرنس دی افتتاحی تقریب 31 اکتوبر 2022ء اکادمی ادبیات پاکستان دے فیض احمد فیض آڈیٹوریم اچ تھئی۔ تقریب اچ انجنیئر امیر مقام ، مشیر برائے وزیراعظم ، سیاسی تے عوامی امور، قومی ورثہ تے ثقافت ڈویژن مزمان خصوصی ہن جݙانجو سینیٹر عرفان صدیقی مزمان اعزاز ہن۔ محترمہ فارینہ مظہر، وفاقی سیکرٹری ، قومی ورثہ تے ثقافت ڈویژن، اسلام آباد حاضرین دی تشریف آوری تے شکریہ ادا کیتا۔ ایں موقع تے ڈاکٹر یوسف خشک، چیئرمین اکادمی ادبیات پاکستان خطبہ استقبالیہ پیش کیتا۔ امجد اسلام امجد اتے محمود شام ٻالاں دے ادب بارے کلیدی ڳالھ مہاڑ کیتی۔ کانفرنس اچ ٻالاں دے ادب بارے مختلف پروگرام ترتیب ݙتے ڳن جئیں اچ ٻاہرلےملکوں ٻالاں دے ادب بارے اسکالرز دی آن لائن ڳالھ مہاڑ پاکستان اچ موجود ٻالاں دے ادب دے ماہریدن مختلف سیشنز اچ ماہرانہ ڳالھ مہاڑ کیتی۔ اہم سرکاری تے سیاسی شخصیات سمیت مختلف شعبہ ہائے زندگی توں استاد، ماہرین اتے قارئین اتے ٻالاں دی وݙی تعداد ایں کانفرنس اچ شریک تھئی۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating