بہاولپور پولیو مہم دا آغاز ١٦ دسمبر تو تھیسی

0
34

بہاول پور (سرائیکی نیوز) ضلع بہاول پور ءچ انسداد پولیو مہم دا آغاز ١٦ دسمبر توں تھیسی جو کہ ٢٠ دسمبر تک جاری رھاسی ، انسداد پولیس مہم دے دوران ٧ لکھ توں ودھ ٥ سال توں گھٹ بالاں کوں پولیو توں بچاو دی ویکسین دے قطرے پلائے ویسن مہم کوں فل پروف بنڑاون تے اھداف دے سو فیصد ھصول کیتے جامع منصوبہ بندی کر گھیدی گئی ھِ ڈپٹی کمشنر بہاول پور شوذب سعید دی زیر صدارت انسداد پولیو کمیٹے دے جائزہ اجلاس کوں ݙسایا گیا کہ انسداد پولیو دی مہم دے دوران ہر ضلع ءچ ١٦٠٦ ٹیماں حصہ گھنسن، جیندے ءچ اھمد پور شرقیہ ءچ ٤٦٤ ٹیماں، تحصیل بہاول پور سٹی ءچ ٣٧٨ ٹیماں ، تحصیل بہاول پور صدر ءچ ٢٠٦ ٹیماں ، تحصیل حاصل پور ءچ ١٨٠ ٹیماں ، خیرپور ٹامیوالی ءچ ١٢١ ٹیماں تے تحصیل یزمان ءچ ٢٥٧ ٹیماں حصہ گھنسن، ضلع بھر ءچ موبائل ١٢٨٨ ٹیماں جبکہ ݙوجہی جگہواں تے ١٦٧ ٹیماں ، داخلی تے خارجی رستیاں تے ١٤٤ ٹیماں تعینات کیتیاں ویسین۔ ڈپٹی کمشنر نے اجلاس توں خطاب کریندے ہووئے ھدایت کیتی کہ ڈسٹرکٹ ھیلتھ اتھارٹی بہاول پور انسداد پولیو مہم دے دوران سو فیصد کوریج کوں ممکن بنڑیسی انہاں مزید ھدایت کیتی کہ دریائی علاقیاں ءچ انسداد پولیو مہم کوں مزید موثر بنڑایا ویسی تے دور دراز علاقیاں کوں ترجیحی بنیاداں تے کور کیتا ویسی۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.