Advertisment
Advertisment
اسلام آباد

برصغیر دے سرائیکی زبان دے صوفی شاعر حضرت خواجہ غلام فرید دا سالانہ 125 واں عرس مبارک 5 ، 6 تے 7 ربیع الثانی ( منگل ، بدھ تے خمیس )کوں کوٹ مٹھن اچ تھیندا پئے

Advertisment
Advertiesment

 برصغیر دے سرائیکی زبان دے  صوفی شاعر حضرت خواجہ غلام فرید (جنھاں دا ناں خورشید عالم اے) دا سالانہ 125 واں عرس مبارک 5 ، 6 تے 7 ربیع الثانی ( منگل ، بدھ تے خمیس )کوں کوٹ مٹھن اچ تھیندا پئے۔ سرائیکی نیوز سروس اسلام آباد موجب خواجہ غلام فرید دا عیسوی کلینڈر مطابق آپ دے وصال کوں 121سال توں وخت ٹپ گئے ، اونویں تاں آپ دا عرس مبارک قمری کلینڈر مطابق منایا ویندے. خواجہ سئیں آپݨیں مادری زبان سرائیکی دے نال نال عربی، فارسی، اردو، ہندی، سندھی تے پوربی ءچ وی علم حاصل کیتا تے انھاں انگریزی وی سِکھی ہئی ایں واسطے خواجہ سئیں کوں ہفت زبان آکھیا ویندے. کل توں کوٹ مٹھن اچ عرس شروع تھیندا پئے جیندے اچ نہ صرف روہی تھل دمان دے وارث قلم قبیلے دے اڳواݨیں، مُہاندریں، نمائندیں تے سمورے بھیݨیں، بھرا شریک تھیسن جڈاں جو ملک بھر توں زائرین دی وڈی تعداد حاضری ڈیندی اے ۔۔بھانویں جو خواجہ غلام فرید کوں دنیا توں گئے ڈڈھ صدی دے نیڑھے ویلھا تھیندا پئے پر اج وی انھاندے کلام اچ اج دے عہد دا سبق موجود اے ۔انھاں آپدی حیاتی دے18 سال روہی اچ گزارے ۔۔۔ انھاندی شاعری عام انسان دی شاعری اے ۔انھاں فرمائے۔۔

سوہݨاں یار فرید ݙوں آوے

ڳل لاوے سیج سُہاوے

آ اُڄڑی جھوک وَساوے

ہے ٹھڈڑی آہ اثر کر

اج دے دور اچ نینگراں کوں چاہیدا اے جو او خواجہ غلام فرید دے کلام کو سمجھن تے اوندے تے عمل کرن

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے