وزیر اعظم دے دورہ چین نال پاکستان اچ نویں اقتصادی و معاشی ترقی دی شروعات تھیسی، وفاقی وزیر تجارت جام کمال خان دی شینزن اچ میڈیا نال ڳالھ مہاڑ

شینزن۔5جون(اے پی پی)وفاقی وزیر تجارت جام کمال خان آکھیے جو وزیر اعظم دے دورہ چین نال پاکستان اچ نویں اقتصادی و معاشی ترقی دی شروعات تھیسی، اے ڳالھ انہاں چین دے شہر شینزن اچ پاکستان بزنس کانفرنس مکݨ توں بعد میڈیا نال الیندے آکھی۔ انہاں آکھیا جو وزیراعظم شہباز شریف دورہ چین اچ ݙو طرفہ مثبت مقاصد پورے کریسن، چین اتے پاکستان دے بزنس مین کانفرنس توں وݙا فیدہ چیسن، پاکستان چینی سرمایہ کاری دا مکمل تحفظ کریسی اتے کاروباری افراد دا پورا ہتھ ونݙایا ویسی۔