دبئی (سرائیکی نیوز) ایران دے سپریم لیڈر آیت اللہ خامنہ ای نے امریکہ دے ہتھوں قتل تھیوݨ والے جنرل قاسم سلیمانی دے نائب بریگیڈیئر جنرل اسماعیل غنی کو پاسداران انقلاب دی قدس فورس دا نواں سربراہ مقرار کر ݙیتا ھِ
ایرانی میڈیا دے مطابق ایرانی سپریم آیت اللہ خامنہ ای نے بریگیڈیئر اسماعیل غنی کوں پاسداران انقلاب دی قدس فورس دا نواں سربراہ مقرر کر ݙیتا ھِ یاد رھاوے کہ امریکہ نے اج سویرے سویرے بغداد انٹرنیشنل ایئرپورٹ تے پھجݨ والے ایرانی جنرل قاسم سلیمانی دی گڈی کوں ڈرون حملے دے ذریعے نشانہ بنڑایا جئیں تے ایران نے بدلہ گھنݨ دا اعلان کر ݙیتا ، ایران دے سپریم لیڈر نے قاسم سلیمانی دے قتل تے بیان جاری کریندے ہووے آکھیا کہ جنرل قاسم دی موت تلخ ھِ لیکن فتح تک اساݙی جدوجہد جاری رھاسی ، دشمناں دی زندگیاں مزید تلخ بنڑاں ݙیسوں ، سخت ترین انتقام جنرل قاسم دے قاتلاں دا منتظر ھِ ݙوجہے پاسے قاسم سلیمانی دے قتل دے بعد امریکی سفارت خانے نے عراق ءچ اپنڑی تمام شہریاں کوں ملک چھوڑݨ دی ھدایات جاری کر ݙیتی ھِ جبکہ بغداد ءچ امریکی سفارت خانے دے باھر سیکیورٹی وی سخت کر ݙیتی گئی ھِ
