این آئی سی ایل دے سابق چیئرمین کمرہ عدالت توں گرفتار
اسلام آباد(سرائیکی نیوز۔ مانیٹرنگ ڈیسک) سپریم کورٹ ءچ نیشنل انشورنس کمپنی لمیتڈ این آئی سی ایل ءچ بدعنوانی توں متعلق کیس دی سماعت دے دوران ادارے دے سابق چیئرمین ایاز خان کوں کمرہ عدالت توں گرفتار کر گھیدا گئیا این آئی سی ایل کرپشن کیس دی سماعت چیف جسٹس سپریم کورٹ آف پاکستان ءچ میاں ثاقب نثار دی سربراہی ءچ ٢ رکنی بنچ نے کیتی ایں موقع تے سابق چیئرمین این آئی سی ایل ایاز خان عدالت ءچ پیش تھئے چیف جسٹس نے سابق چیئرمین ایاز خان کوں آکھیا کہ اگوں آ ونجن اج مشاء اللہ تساݙیاں آکھیاں تلے ھن، چیف جسٹس نے استفسار کیتا کہ تساڈی قابلیت کیا ھِ کتنے تعلیم یافتہ ھیووے جیندے تے ایاز خان نیازی نے عدالت کوں ڈسایا کہ انہاں نے فنانس تے اکنامکس ءچ گریجویشن کیتا ھِ دوران سماعت عدلت نے حکم ݙیتا کہ اگر یان آئی سی ایل دے سابق چیئرمین ایاز خان نیازی احتساب عدالت توں ضمانت تے نی ھن تاں انہاں کوں گرفتار کیتا ونج سکدا ھِ جئیں تے قومی احتساب بیورو نیب نے ایاز خان نیازی کوں کمرہ عدالت توں گرفتار کر گھیدا ، چیف جسٹس میاں ثاقب نثار نے استفسار کیتا کہ ڈوجہہ ملزم محسن حبیب وڑائچ کیتھاں ھِ ؟
جیندے تے نیب پراسیکیوٹر نے ڈسایا کہ محسن حبیب تاحال گرفتار نی تھئی سکیا ایں تے چیف جسٹس نے ریماکرس ڈیتے کہ اساں راو انوار کوں پیش کرا سکدے ھیں تاں محسن حبیب کیا ھِ چیف جسٹس نے استفسار کیتا کہ کیا محسن حبیب دا ناں ایگزیٹ کنٹرول لسٹ ءچ ھِ جئیں تے نیب پراسیکیوٹر نے عدالت کوں ڈسایا کہ ایاز خان نیازی دے خلاف لاہور کراچی ءچ مقدمات زیر سماعت ھن سپریم کورٹ نے حکم ݙیتا کہ ایاز خان نیازی دے خلاف قانون دے مطابق کارروائی کیتی ویسی تے قومی احتساب نیورو نیب ٢ ماہ ءچ ٹرائل مکمل کرے۔
