ٻلوچستان اچ نویں سیاسی جماعت ڊے ناں دا اعلان کر ݙیتا گئیا

کوئٹہ (سرائیکی نیوز) بلوچستان اچ تقریبان تمام قانون سازاں تے مشتمل نویں سیاسی جماعت بلوچستان عوامی پارٹی دے قیام دا اعلان کر ݙیتا گئیا نویں سیاسی جماعت دا اعلان کوئٹہ اچ سینیئر رکن پارلیمنٹ تے پاکستان مسلم لیگ ن دے سابق رہنما سعید احمد ہاشمی نے پریس کانفرنس اچ کیتا انہاں دا آکھن ھا کہ بلوچستان عوامی پارٹی دے آئین تے منشور تے کم کریندے پئے ھیں انہاں ڈسایا کہ سبھ ساتھیاں نے مل تے نویں پارتی بنڑاوݨ دا سوچا ھا جیندے بعد ایں فیصلے تے عمل درآمد کر ݙیتا گئیا ھِ انہاں مزید ڈسایا کہ نویں عہدیداراں دی سلیکشن واسطے پارٹی کوں رجسٹرڈ کرایا ویسی تاہم مرکزی ترجمان کیتے انور الحق کاکڑ کوں منتخب کر گھیدا گئیا ھِ سعید احمد ہاشمی دا آکھن ھا کہ اے تلخ فیصلہ کرنا پئے لیکن اساں مسلم لیگ دی سوچ توں جدا نی تھیندے پئے اساں بس ھک نویں نعرے دے نال آسوں ، پارٹی دے نویں ترجمان انوار الحق کاکڑ دا آکھن ھا کہ اساݙی جماعت پاکستان دے عوام دی معاشی تے سیاسی حقوق تے کم کریسی۔ انہاں دا آکھن ھا کہ پاکستان او گھر ھِ جیں کوں کہیں نے وی تورڑن دی کوشش کیتی تاں سب توں پہلے بلوچستان دی غیور عوام اپنڑی جان دا نذرانہ پیش کریسوں تے ایں جنگ کوں سیاسی طور تے بلوچستان عوامی پارٹی گھن تے چلسی۔