ساھیوال ، بالڑی نال ذیادتی و قتل کیس، ٢ مجرماں کوں ٣،٣ واری سزائے موت دا حکم

 ساہیوال(سرائیکی نیوز۔ کرائم رپورٹر) اسپیشل جج انسداد دہشت گردی کورٹ ساھیوال ملک شبیر حسین اعوان نے ٥ سالہ بالڑی دے اغواء ، زیادتی تے قتل دے مقدمے دا فیصلہ سنڑیندے ہووے ٢ مجرماں عرفان شاہ تے وریام کوں ٣،٣ واری سزائے موت ، ٢٠ ، ٢٠ لکھ روپے جرمانہ ، مجرم عرفان شاہ کوں مزید ٢٥ سال قید سخت تے ٥ لکھ روپے جرمانہ دی سزا سنڑائی ھِ ، عدالت نے زمیندار شوکت اسلام عرف حیدری شاہ تے مجرم عرفان شاہ دی بیوی نسیم بی بی کوں عدم ثبوت تے بری کر ݙیتے ، استغاثہ دے مطابق ملزماں نے قبولہ قصبہ دے وارڈ نمبر اچ ھک محنت کش ناصر دی ٥ سالہ دیھی ام کلثوم کوں ١٢ اگست ٢٠١٧ کوں گلی توں کھیڈدے ہووے اغواء کیتا ھا ، عرفان شاہ تے وریام ے بالڑی نال زبردستی زیادی کیتی تے مجرم وریان نے بدفعلی وی کیتی وحشی درندیاں نے بالڑی دے شور مچاون تے ایندیاں نساں کٹ ݙیتیاں ، آکھیں گھڈ ݙیتیاں تے بے دردی نال قتل کر کے لاش کھیتاں اچ سٹ تے فرار تھئی گئے ھن۔ پولیس تھانہ قبولہ نے مقتولہ بالڑی ام کلثوم دی ماں شمیم بی بی دی رپورٹ دے مقدمہ ٣٦٥ بی ، ٣٧٦ تے ٣٧٧ ت پ تے ٧ انسداد دہشت گردی ایکٹ درج کر تے ڈونہاں ملزمان عرفان شاہ وریام ، عرفان شاہ دی بیوی نسیم بی بی تے زمیندار شوکت اسلام کوں گرفتار کر گھیدا ھا ، مقتولہ لاش برآمد کر تے پوسٹ مارٹم کرایا تاں بالڑی نال زبردستی بدفعلی تے قتل دی تصدیق تھئی گئی ھائی۔ عدالت نے مجرم عرفان شاہ کوں ٣٦٥ بی اچ ٢٥ سال قید سخت ، ٥ لکھ روپے جرمانہ ، ٢٧٦ پارت ٢ اچ سزائے موت ، ٥ لکھ روپے جرمانہ ٣٠٢ ت پ تے ٧ اچ ٢ واری سزائے موت ١٠ لکھ روپے جرمانہ ، ١٥ لکھ روپے جرمانہ ، ٣٦٥ بی اچ ٢٥ سال قید ٥ لکھ روپے جرمانہ تے ٣٧٧ ت پ اچ مزید ١٠ سال قید سخت تے ٥ لکھ روپے جرمانہ دی سزا سنڑائی ، ٤٥ لکھ روپے جرمانہ دی رقم مقتولہ دے ورثاء کوں بچور معاوضہ ݙیتی ویسی۔ سزا یافتہ ملزمان زمیندار شوکت اسلام عرف حیدری شاہ دے ملازم ھن ایں سنگین وقوعی دے خیلاف قصبہ قبولہ اچ لوگاں نے شدید احتجاج کیتا ھا