١٠ سالہ بشارت علی انصاف دا منتظر، ماں دی مدعیت اچ مقدمہ درج ، ذیادتی کرݨ والا مولوی صفدر فرار
مدرسہ حسینہ احمد پور شرقیہ اچ مولوی صفدر نے بشارت علی نال ذیادتی کیتی ھائی، ڈی این اے کرواون واسطے ویندے ہووے فرار تھئی گئیا، ماں نے انصاف دی اپیل کر ݙیتی
احمد پور شرقیہ (سرائیکی نیوز۔ کرائم رپورٹر) ڈھا ، گیارہ سالہ بشارت علی دے نال زیادتی کرݨ والے مولوی صفدر کوں ھڑپہ اچ بھجاوݨ دے حقائق سامنڑیں آ گئے ، ڈی پی او بہاول پور ، ڈی ایس پی احمد پور شرقیہ ، ایس ایچ او تھانڑاں سٹی احمد پور شرقیہ ملزمان کوں گرفتار کر تے الگ الگ تفتیس کرن تاں مولوی محمد صفدر دی گرفتاری یقینی تھئی ویسی۔ تفصیل دے مطابق مقدمہ 93 /18 بجرم 377 ت پ تھانڑاں سٹی احمد پور شرقیہ اچ ١٠ سالہ بشارت علی دی والدہ شہناز بی بی ولد خادم حسین دی مدعیت اچ مقدمہ درج کر گھیدا گئیا۔ واضح رھاوے کہ تھانڑاں ستی نے مولوی صفدر کوں گرفتار کر گھیدا ھا ڈی این اے واسطے ویندے پئے ھن کہ رستے توں مولوی صفدر فرار تھئی گئیا، مولوی صفدر نے مدرسہ حسینہ اچ ١١ سالہ بشارت علی نال ذیادتی کیتی ھائی، مقامی لوگاں ڈسایا کہ مدرسہ غیر رجسٹرڈ ھِ تے کافی عرصے توں باثر لوگاں دے نال اٹھک بیٹھک دی وجہہ نال کوئی گالھ نی کر سکدا، ننھے بشارت علی دی والدہ نے انصاف دا در کھڑکا ݙیتا تے اپیل کیتی کہ ملزم کوں جلد گرفتار کیتا ونجے تے قرار واقعی سزا ڈیتی ونجے۔ تے پولیس دے اعلی افسران توں وی درخواست کیتی کہ انصاف فراہم کیتا ونجے ملزم دی پشت پناھی کرن والے افراد کوں وی منظر عام تے گھن آیا ونجے۔
