ن لیگ ٣٣ اراکین دے نال سینیٹ دی اکثریتی جماعت بݨ گئی
اسلام آباد (سرائیکی نیوز) سینیٹ انتخابات اچ برتری حاصل کرݨ دے بعد ایوان بالا اچ پاکستان مسلم لیگ ن اکثریتی پارٹی بݨ گئی ھِ تے اپنڑی اتحادی جماعتاں دی حامیت تے آزاد امیدواراں دی حمایت ملن دی صورت اچ چیئرمین تے ڈپٹی چیئرمین دے عہدے آسانی نال حاصل کرݨ اچ کامیاب تھئی سکدی ھِ تازہ ترین نمبر گیم دے بعد چیئرمین تے ڈپٹی چیئرمین کیتے کہیں وی جماعت کوں کم از کم ٥٣ ووٹ درکار ھن مسلم لیگ ن اپنڑیں اتحادی پی کے میپ ، نیشنل پارٹی تے جے یو آئی ف کوں نال ملاوے تاں انہاں دے ارکان دی تعداد ٤٧ بنڑدی ھِ ن لیگ ایم کیو ایم یا آزاد امیدوار کوں نال ملاوے تا ن لیگ با آسانی اے ڈونہیں عھدے اپنڑیں ناں کر سکدی ھِ پاکستان مسلم لیگ ن دی حمایت نال سینی ٹانتخابات اچ کامیاب تھیون والے ١٥ امیدوار ن لیگ اچ شمولیت دے اعلان دے بعد ایوان بالا اچ ن لیگ دے ارکان دی مجموعی تعداد ٣٣ تک پھج ویسی جبکہ پاکستان پیپلز پارٹی ٢١ سیٹاں دے نال ڈوجہے تے پی ٹی آئی ١٢ سیٹاں دے نال تریجھے نمبر تے ہوسی ایں لحاظ نال فاٹا دے آزاد تے اتحادیاں دی حمایت نال ن لیگ چیئرمین سینیٹ بنڑاون دی پوزشین اچ وی آ گئی ھِ واضح رھاوے کہ نویں چیئرمین تے ڈپٹی چیئرمین سینیٹ کیتے سیاسی جوڑ توڑ دا سلسلہ شروع تھئی گئے
