ھک بئی مریم تے تشدد، چھوکری اپنڑیں دھیی کوں گھن تے اپنڑیں جان بچا تے کراچی پھج گئی

کراچی (سرائیکی نیوز) ھک بئی مریم تے تشدد، چھوکری اپنڑیں دھیی کوں گھن تے اپنڑیں جان بچا تے کراچی پھج گئی، تفصیل دے مطابق مریم دی شادی عرصہ تریھ سال پہل عبدلمالک ولد سعید انجم نال کراچی ءچ تھئی شادی دے بعد او ایکوں جہلم دے ھک دیہات گجرڈ ڈاکخانہ پنڈداداں گھن گئیا جیتھاں ھک سال بعد دھیی پیدا تھئی ۔ ایندے بعد سسرال دی طرفوں حراساں کرݨ دے مختلف ہتھکنڈے شروع کر ݙیتے گئے ، کݙھیں پائپ نال مارا ویندا رھیا تے کڈھیں سوٹیاں نال ، ھک ڈو واری ساڑݨ دی کوشش وی کیتی گئی معصوم مریم اپنڑی دھی دی وجہہ توں ظلم سہندی رہی ، ایندی سس دا شوہر تے ایندا سورا ایں تے تشدد کریندے رہے ایتھاں تک کہ سورے نے اپنڑیں نال تعلق رکھݨ تے مجبور کرݨ شروع کر ݙیتا ، شوہر کوں سارا کجھ ݙساوݨ دے باوجود گھر والیاں نے آکھیا کہ جیویں سورا آکھیندے اوویں کر ورنہ تیکوں تے تیݙی دھیی کوں مار ݙیسوں ، جئیں تے او اپنڑیں جان بچا تے گھروں نکل تے کراچی اپنڑیں ماں پیو دے گھر آ گئی تے پنجاب خواتین دے حقوق دی ہیلپ لائن تے مدد کیتے کال کیتی لیکن کیں قسم دا مثبت جواب نا ملیا ، غریب گھرانے نال تعلق رکھݨ والا خاندان وکیلاں تے تھانڑاں کوں پیسے کھوواوݨ دی حیثیت نی رکھیندا ایں واسطے وزیر اعلی پنجاب سردار عثمان بزدار، وزیر اعظم عمران خان ، آئی جی پنجاب تے چیف آف آرمی اسٹاف قمر جاوید باجوہ توں اپیل کیتی ھِ کہ ایکوں تحفظ فراہم کیتا ونجے تے ایندی دھیی تے ایندی جان کوں اپنڑیں سوہرے سعید انجم توں خطرہ ھِ جو بااثر شخصیات دے نال تعلق رکھیندا ھِ تھانڑیاں ءچ تعلقات ھن تے گھر ءچ اسلحہ رکھا ہویا ھِ انہاں توں خطرہ ھِ او ݙو سال پہل اپنڑیں پہلی نوھ کوں وی مار چکے جیکوں حادثے دا رنگ ݙے تے بغیر پوسٹ مارٹم د ے دفنا ݙیتے ، معصوم مریم نے اعلی حکام توں اپیل کیتی ھِ کہ ایندے گھر والیاں تے انہاں کوں تحفظ فراہم کیتا ونجے تے انہاں توں بچایا وینجے اگر پنجاب ءچ گئی تاں مار ݙیتا ویسی۔
World’s 1st Saraiki News Website