سرائیکی پارت تے اڊٻ مسائل اچ گھیرا ھِ سبھ کوں اٻیاری اچ حصہ رلاوݨ دی لوڑ ھِ

جام پور زرخیز زمین ھِ جئیں کیفی جام پوری، غلام رسول ڈڈا ، محمد یار فوق ، عبدالمجید ذوق،پیارے لعل جام پوری ، نعمتی جامپوری جھیاں شصخیات پیدا کیتیاں، سلیم انسب

سرائیکی نیوز دے زیر اہتمام جام پور اچ تعارفی تقریب دا آہر کیتا گئیا جیندے میزبان دانش شیخ ، شیخ محمد عامر اسلم ، شیخ اویس شاہجہان ھن۔

جام پور(سرائیکی نیوز۔نمائندہ خصوصی) گزریل ڈینہہ سرائیکی نیوز دے زیر اہتمام مسلم ہوٹل جام پور اچ تعارفی تقریب دا آہر کیتا گیا جیندے میزبان دانش شیخ۔ شیخ محمد عامر اسلم۔ شیخ اویس شاہجہان ہن ۔ سٹیج سیکرٹری دے فرائض خان اعظم پتافی سر انجام ڈتے مقررین سرائیکی زبان و ادب دی قدامت تے علاقائی مسائل دے حوالے نال خیالات دا اظہار کیتا ۔ محمد سلیم انسب آکھیا جو جام پور ہک زرخیز زمین ہے جئیں کیفی جام پوری۔ غلام رسول ڈڈا۔ محمد یار فوق۔ عبدالمجید ذوق ۔پیارے لعل جام پوری۔ نعمتی جامپوری جھیاں شخصیات پیدا کیتن۔ ہنیں مزید آکھیا جو چراغ اعوان۔ عاقل جوگی تے اسلم رسول پوری دا تعلق وی جام پور دی دھرتی نال ہے ہنیں دا آکھنڑ ہا ارباب اختیار دا فرض بنڑدے جو او علم و ادب دی آبیاری اچ آپڑاں حصہ رلاون۔ آفتاب نواز مستوئی ہوراں علاقے دے مسائل اجاگر کریندے ہوئیں جام پور کوں ضلع بنڑاونڑ دا مطالبہ کیتا۔ انجینئر شاھد قریشی۔ فاروق گوپانگ۔ شاہد عزیز سانگی آکھیا جو جام پور اچ سرائیکی نیوز نال ہر ممکن تعاون کیتا ویسی۔ ایں موقعے تے شعرا کرام جمشید احمد کمتر۔ حبیب اللہ طارق۔ ملک اسحاق علیم۔ فیاض شاد بھٹی۔ زاہد مستوئی تے جمیل احسن آپڑاں کلام سنڑایا جڈاں جو گلو کار ابراہیم غوری گیت پیش کیتے۔ تقریب اچ محمد عرفان۔ سجاد کھوسہ۔ فہد پتافی۔ ملک سیف اللہ ماچھی۔ راشد ظہور تے بئے ڈھیر سارے معززین شہر شرکت کیتی