امریکی نمائندءِ ڊی آرمی چیف ، وزیر خارجہ دِی ملاقات، افغان امن تے گالھ مہاڑ
افغانستان ءچ دیر پا قیام امن کیتے کیتی ونجݨ والی کوششاں دے سلسلے ءچ امریکی نمائندہ خصوصی زلمے خلیل زاد پاکستان پھجے جیتھاں انہاں نے وزیر خارجہ شاہ محمود قریشی تے آرمی چیف جنرل قمر جاوید باجوہ نال ملاقات کیتی پاک فوج دے شعبہ تعلقات عامہ آئی ایس پی آر دے مطابق جنرل ھیڈ کوارٹر ءچ تھیوݨ والی آرمی چیف نال ایں ملاقات ءچ باہمہ دلچسپی دے امور سمیت خطے ءچ مجموعی صورتحال تے جاری افغان مصالحتی عمل تے تبادلہ خیال تھئیا ، آئی ایس پی آر دے مطابق زلمے خلیل زاد نے خطے ءچ امن دے باہمی مقصد کیتے امن عمل ءچ معاون کرݨ تے پاکستان دا شکریہ ادا کیتا۔
شاہ محمود قریشی نال ملاقات
قبل از زلمے خلیل زاد نے وزیر اعلی خارجہ شاہ محمود قریشی نال علیحدگی ءچ ملاقات کیتی ھائی دفتر خارجہ توں جاری اعلامیے دے مطابق ملاقات ءچ زلمے خلیل زاد نے طالبان دے نال حالیہ گالھ مہاڑ توں متعلق وزیر خارجہ کوں ڈسایا تے افغانستان ءچ امن کیتے پاکستان دے کردار دی تعریف کیتی ۔ ایں موقع تے شاہ محمود قریشی نے آکھیا کہ طالبان تے امریکا دے درمیان حتمی امن معاھدہ انٹرا افغان مذاکرات دی راہ ہموار کریسی تے ایں نال نہ صرف افغانستان بلکہ پورے خطے کوں فائدہ پھجسی۔ مذکورہ ملاقات ءچ شاہ محمود قریشی نے نمائندہ خصوصی کوں یقین دھانی کرائی کہ پاکستان افغانستان ءچ امن کیتے اپنڑی کوششاں جاری رکھیسی
