کورونا وائرس، میڈیا عوام ءچ خوف دی فضاء ختم کرءِ ، پیمرا
کورونا وائرس، میڈیا عوام ءچ خوف دی فضاء ختم کرءِ ، پیمرا
اسلام آباد ۔ پاکستان الیکٹرانک میڈیا ریگولیٹری اتھارٹی پیمرا، میڈیا کوں ھدایت کیتی ھِ کہ او کورونا وائرس توں متعلق خبراں نشر کریندے ہووے عام ءچ خوف دی فضا ختم کرے ، ریڈیو پاکستان دی ھک رپورٹ دے مطابق پیمرا نے اپنڑیں ھدایت نامے ءچ نیوز چینلاں کوں مخاطب کر تے آکھیا کہ ایں آفت نال ثابت قدمی تے نظم و ضبط دے نال نمٹݨ کیتے عوام ءچ امید کوں فروغ ݙیتا ونجے ، پیمرا نے کوروان وائرس نال متاثر تھیوݨ والے بندیاں دے علاج دی کوریج ءچ احتیاط کیتی ونجے ۔ اعلامیہ ءچ آکھا گئیا کہ کورونا وائرس نے متاثرہ مریضاں تے علاج دیاں خبراں ݙیدنے ہووے ضرورت توں زیادہ تشہیر کرݨ تے سنسنی پیدا کرݨ توں گریز کیتا ونجے ۔ علاوہ ازیں پیمرا نے چینلاں کو کورونا وائرس دے خیلاف پوری قوم کوں متحرک کرݨ تے زور ݙیتا۔
پیمرا نے ایں امر تے زور ݙیتا گیا کہ ناظرین ءچ امید پیدا کرݨ کیتے وفاقی تے صوبائی حکومتاں اداریاں سمیت عالمی محققین دی طرفوں کیتی گئی کوششاں کون وی اجاگر کیتا ونجے ۔ واضح رھاوے کہ ملک ءچ کورونا وائرس دے ودھدے ہووے واقعات تے لاک ڈاون دے نتیجے نال پیدا تھیوݨ والی صورتحال تے میڈیا خصوصی رپورٹاں تے خبراں پیش کریندا پیا ھِ اگر پاکستان دی گالھ کیتی ونجے تاں دنیا ءچ ہزاراں اموات دی وجہہ بنڑݨ والا مہلک کورونا وائرس پاکستان ءچ وی تیزی نال کھندا پیاء ھِ تے ھک مہینے دے دوران ایتھاں کیساں دی تعداد ١١٠٠ دے نیڑے پھج چکی ھِ
