سندھ حکومت نے مسیتاں ءچ نماز جمعہ دے اجتماعات تے پابندی لا ݙیتی
سندھ حکومت نے مسیتاں ءچ نماز جمعہ دے اجتماعات تے پابندی لا ݙیتی
کراچی ۔ سندھ حکومت نے ٢٧ مارچ توں ٥ اپریل تک صوبے ءچ نماز جمعہ دے اجتماعات تے پابندی عائد کر ݙیتی ھِ ۔ صوبائی حکومت دے ترجمان مرتضی وھاب نے بیان جاری کریندے ہووے آکھیا کہ مسیتاں ءچ عملے سمیت صرف ٥ بندے باجماعت نماز ادا کریسن ، نماز جمعہ دے اجتماعات وی نا تھیسن۔ انہاں آکھیا کہ سندھ حکومت نے مسیتاں ءچ نماز دے اجتماعات تے پابندی دا فیصلہ تمام مکاتب فکر دے علماء نال مشاورت دے بعد کیتا ھِ اے پابندی کورونا وائرس دے کھینڈݨ کوں روکݨ کیتے چاتا گئیا ھِ
واضح رھاوے کہ نمازاں دی باجماعت ادائیگی دے حوالے نال مختلف مکاتب فکر دے درمیان اختلاف ھا ، جمعرات کوں صدر مملکت دی زیر صدارت ایوان صدر ءچ ھک اجلاس منعقد تھیا جیندے ءچ چاراں صوبیاں ، گلگت ، بلتستان تے آزاد جموں کشمیر دے تمام مکاتب فکر دے علماء نے ویڈیو کانفرنس دے ذریعے شرکت کیتی ، راوالپنڈی تے اسلام آباد ءچ موجود بندیاں نے ذاتی طور تے شرکت کیتی ۔ صدر پاکستان دی طرفوں اجلاس دے دوران کورونا وائرس دا ملک ءچ کھنڈݨ توں روکݨ کیتے مصر دی اجمعتہ الازہر دی طرفوں ݙیتا گئیا فتوی پیش کیتا گئیا ۔ فتوی ءچ آکھا گئیا ھِ کہ باجماعت نماز تے عوامی اجتماعات نال کورونا وائرس پھیل سکدے تے اسلامی ممالک دی حکومتاں ایں سلسلے ءچ اے اجتماعات منسوخ کرݨ دا حق رکھیندیاں ھن۔
