سکھر ۔ وزیر اعلی سندھ مراد علی شاہ دا آکھݨ ھا کہ میکوں ایں ویے لوگاں دی زندگی تے صحت عزیز ھِ تے میں مخالفین یا ناقدین دی کہیں تنقید دا جواب نی ݙیوݨ چاھندا۔
، سکھر کمشنر آفس ءچ پریس کانرنس ءچ مراد علی شاہ دا آکھݨ ھا کہ کورونا وائرس توں بچݨ کیتے لائہ عمل تیار کریندے پئے ھیں ، مسیتاں تے رمضان توں متعلق علماء تے ماہرین نال مشاورت جاری ھِ انہاں آکھیا کہ پچھلے ݙینھ وی اساݙے وزراء نے علماے کرام نال ملاقات کیتی ھائی تے اج وی ملاقات کیتی ویسی۔
علماء نال تھیوم والی ملاقات دے بارے انہاں ڈسایا کہ عماے کرام دا آکھݨ ھا کہ طبی ماہرین جو مشورہ ݙیوون ایں تے عمل تھیونڑاں چاھیدا ھِ جئیں تے علماء کرام دے مشکور ھیں کہ انہاں اساݙے نال تعاون کیتے ۔ مراد علی شاہ دے مطابق کورونا شروع تھیا ھِ او اوں ویلے توں ڈاکٹراں دے نال بیٹھے ھن تے انہاں دے نال بیہ بہہ تے او ادھے ڈاکٹر ب چکے ھن بس صرف انہاں کول ڈگری کینی ۔ گالھ کوں جاری رکھیندے ہووے وزیر اعلی سندھ دا آکھݨ ھا کہ لاک ڈاون ءچ جو شہ کھلدی پئی ھِ او قواعد و ضوابط دے مطابق کھلدی پئی ھِ مسیت اللہ دا گھر ھِ تے عبادت دی جاء ھِ لیکن علماء تے شہریاں دی زندگی وی اہم ھِ لہذا لوگ گھراں ءچ رہ تے عبادت کرن، اپنڑیں گالھ کوں ودھیندے ہووے مراد علی شاہ دا آکھݨ ھا کہ لاک ڈاون کر تے اساں خوش نی تھئے لیکن ایندے علاوہ کوئی ڈوجہہ رستہ کینی ، نال ھی انہاں دا آکھݨ ھا تھئی سکدا ھِ کہ اساں ایں غلط فیصلے تھیونڑیں ہوون لیکن فیصلہ نہ گھنݨ نا اھلی تے جرم ھِ ۔
وزیر اعلی سندھ دا آکھݨ ھا کہ سکھر اساڈے فرنٹ لائن تے ھا تے ایتھاں ایران توں آوݨ والے ١٣٨٨ زائرین کوں گھن تے قرنطینہ کیتا گئیا ھا اساں سبھ سکھر ءچ صرف ٧ مریض موجود ھن باقی تمام بندے صحت یاب تھئی تے اپنڑیں اپنڑیں گھر چلے گئن صوبے ءچ صحت یاب تھیوݨ والیاں دی تعداد ٥٧٦ تک پھج گئی ھِ ۔ انہاں آکھیا کہ ایں وائرس دا علاج صرف تے صرف سماجی فاصلے تے احتیاط نال مکن ھِ لوگ گھراں ءچ ونجݨ توں پہلے ہتھ دھوون تے گھر ونج تے کپڑے بدلن تے خود کوں بزرگاں تے بالاں توں دور رکھن۔
وفاقی حکومت دے احساس ریلیف پروگرام دے حوالے نال ملݨ والی رقم پاروں انہاں دا آکھݨ ھا کہ اساں وفاقی حکومت توں گزارش کیتی ھائی کہ رقم ݙیوݨ کیتے کاونٹراں ءچ اضافہ کیتا ونجے کیونکہ گھٹ کاونٹر ہووݨ دی وجہہ نال رش ودھدا پئے جو ٹھیک کینی ۔
انہاں مزید آکھیا کہ اساں لوگاں کوں انہاں دے گھراں دے دروازیاں تے راشن ݙیتا ھِ اساں راشن دی تقسیم تے لوگاں کوں اکٹھاں نی کرݨ چاھندے اساں راشن دی تقسیم دے ذریعے غریباں دی کفالت دی کوشش کریندے پئے ھن
