حکومت دا عوام کوں وڈا ریلیف،پیٹرولیم مصنوعات دا ملھ 15توں 30روپے تئیں گھٹا ڈتے
پیٹرول دی قیمت اچ 15 روپے فی لیٹر، ہائی سپیڈڈیزل دی قیمت اچ 27.15 روپے، مٹی دے تیل دا ملھ 30.01اتے لائٹ ڈیزل داملھ 15 روپے گھٹا ڈتا گئے
اسلام آباد (اے پی پی)حکومت عوام کوں وڈا ریلیف ڈیندے ہوئے مختلف پیٹرلیم مصنوعات دا ملھ 15توں 30روپے تئیں گھٹا ڈتے۔ پیٹرول دی قیمت اچ 15 روپے فی لیٹر، ہائی سپیڈڈیزل دی قیمت اچ 27.15 روپے، مٹی دے تیل دا ملھ 30.01اتے لائٹ ڈیزل داملھ 15 روپے گھٹا ڈتا گئے ۔وزارت خزانہ دے نوٹیفکیشن دے مطابق نویاں قیمتاں دا اطلاق یکم مئی توں تھیسی۔
قیمتاں اچ کمی دے بعد پیٹرول دی فی لیٹرقیمت 81.58 روپے، ہائی سپیڈ ڈیزل 80.10 روپے، کیروسین آئل 47.44 روپے تے ہائی سپیڈ ڈیزل دی فی لیٹرقیمت 47.51 روپے تھی گئی اے۔وزارت خزانہ آکھیے جو حکومت عام آدمی کوں ودھ توں ودھ سوکھ ڈتے،حکومت ولوں ڈتے گئے ریلیف پیکج اچ 1200 ارب روپے توں ودھ دا اقتصادی معاونت پیکج، احساس ایمرجنسی ریلیف پروگرام ، چھوٹے اتے درمیانہ درجہ دے کاروبارکیتے مراعات وترغیبات اتے بئے امدادی ومعاونتی پروگرام شامل ہین۔ایں توں پہلے 25 مارچ کوں وی حکومت پیٹرولیم مصنوعات دیاں قیمتاں گھٹایاں ھن۔
