صوبہ خیبر پختونخواہ دے علاقے لوئر کرم دے علاقے شورکی ءچ دھماکے نال ھک بندہ زخمی تھئٰ گئیا مقامی پولیس دے مطابق دھماکہ پاک افغان سرحد دے نیٹرے علاقے شورکی ءچ ھک مسیت و امام بارگاہ ءچ تھئیا ۔
پولیس نے تصدیق کیتی کہ دھماکے دے نتیجے ءچ زخمی تھیوݨ والا بندہ امام بارگاہ دی نگرانی تے معمور ھا تے ایندے علاج پاروں ایکوں ہسپتال منتقل کر ݙیتا گئیا تاہم دھماکے دے نتیجے ءچ عمارت منہدم تھئی گئی ۔ ایں حوالے نال مقامی پولیس دے ھک عہدیدار یعقوب خان نے ڈسایا کہ دھماکہ سویرے چار وجے تھئے انہاں دا آکھݨ ھا کہ ایں واقعے دے بعد پولیس دے قانون نافذ کرݨ والے اداریاں نے دھماکے دی جاء کوں گھیرے ءچ گھن گھیدا ھِ تے تحقیقات شروع کر ݙیتیاں ھن۔ تاہم انہاں دا آکھݨ ھا کہ ایں باری ھݨ تک تصدیق نی تھئی سکی کہ دھماکہ کیں نوعیت دا ھا لیکن پولیس کوں واقعے ءچ دھماکہ خیز مواد نصب کرݨ دا شبہ ھِ ۔
