راولپنڈی۔ بھارتی فوج ہک واری ول ایل او سی دے نیڑے کھوئی رٹہ سیکٹر تے بلا اشتعال فائرنگ کیتی اے اتے شہری آبادی کوں نشانہ بنڑائے جیں پاروںکئی شہری زخمی تھی گین۔ آئی ایس پی آر ولوں ڈسایا گئے جو بھارتی فوج ہک واری ول لائن آ ف کنٹرول تے جنگ بندی معاہدے دی خلاف ورزی کریندے ہوئے بلااشتعال فائرنگ کیتی اے۔
بھارتی فوج خود کار ہتھیاراں نال شہری آبادی کوں نشانہ بنڑائے جتھاں جنجوٹ دی وستی داہک گھر ودھ متاثر تھئے اتے معصوم شہری زخمی تھی گین۔ ذخمیاں کوں نیڑے دے ہسپتال پچا ڈتا گئے جتھاں انہاں دا اعلاج کیتا ویندا پئے۔بھارتی فوج ایں توں ڈو ڈینھ پہلے وی کھوئی رٹہ سیکٹر اچ شہری آبادی کوں نشانہ بنڑایا ہئی جیندے اچ ہک شہری زخمی تھیا ہا۔ اے پی پی
