جہانگیرترین نے سپریم کورٹ اچ نااہلی دے خلاف نظر ثانی دی درخواست دائر کر ڈیتی
اسلام آباد ( سرائیکی نیوز) تحریک انصاف دے رہنما جہانگیر ترین نے سپریم کورٹ اچ نااہلی دے خلاف نظر ثانی دی درخواست دائر کرݙیتی
سرائیکی نیوز دے مطابق سپریم کورٹ اچ نا اہلی دے خلاف نظر ثانی دی درخواست دائر کر ڈیتی ھِ اپنڑی درخواست اچ انہاں نے بیان حلفی وی جمع کروائے ۔ جہانگیر ترین نے حلف نامے اچ آکھیا ھِ کہ میڈے چار بال ھن ، چاراں دی شادی تھئی ھوئی ھِ تے خود مختار ھن میں کاغذات نامزدگی اچ جان بوجھ تے اثاثے لکاون دی کوشش نی کیتی۔
میں نے ٹرسٹ پاکستان دے بینکنگ چینلز توں واجبات دی منتقلی دے ذریعے قائم کیتا ، ٹرسٹ دے قیام دا مقصد بالاں کوں برطانیہ اچ گھر دی فراہمی ھا ، خود کوں تے اپنڑی بیوی کوں تاحیات بینفیشری بنڑاوݨ محض حفاظی قدام ھا ، عدالت اپنڑیں فیصلے تے نظر ثانی کرے، واضح رھاوے کہ سپریم کورٹ نے ١٥ دسمبر 2017 کوں حنیف عباسی دی دائر درخواست دی سماعتاں دے بعد جہانگیر ترین کوں نا اہل قرار ڈے ڈیتا ھا ۔
