بیجنگ۔5جون(اے پی پی)پاکستان اتے چین، چین پاکستان اقتصادی راہداری (سی پیک) کوں نویں ترقی تے ڳھن ویسن جو علاقائی رابطے ودھا تے مشترکہ خوشحالی دا مقصد مل سڳے، سی پیک نال خطے اتے ڄڳ اچ ترقی و خوشحالی دا ہک نواںد ور شروع تھیسی۔ وزیراعظم شہباز شریف آکھیے جو چین دے صدر شی جن پنگ دا 2015ء اچ پاکستان دا سرکاری دورہ ݙوطرفہ تعلقات ودھاوݨ کیتے ہک ٻلانڳھ ہئی، جیندے نال ݙوہاں ملکاں وچال باہمی اعتماد اتے اقتصادی تعاون، معاشی ترقی سودھا سی پیک دی تعمیر اڳو تے ودھی اے، پاکستان اچ چینی سرمایہ کاری وی ودھی اے، روزگار ملیے، پاکستان اچ میکرو اکنامک استحکام و ترقی ملی اے۔
چینی قیادت نال ملݨ توں پہلے گلوبل ٹائمز اچ اپݨے مضمون اچ وزیراعظم آکھیے جو اساں اوکھے ویلھے پاکستان دی حمایت تے چین دے مشکور ہیں، سی پیک دا اپ گریڈ شدہ ورژن مزید روشن مستقبل دی نوید اے، سی پیک دے فریم ورک دے تحت صنعت کاری، زراعت، آئی ٹی و کان کنی تے ترجیحی شعبیاں دے طور تے توجہ ݙتی ویندی پئی اے، اپ گریڈ شدہ ورژن اچ 60 توں ودھ اعلیٰ معیار دے تعاون دے منصوبیاں دا تصور پیش کیتا گئے۔ انہاں آکھیے جو اپݨے دورے کوں پاکستان اتے چین وچال سیاسی، اقتصادی، تجارتی و سرمایہ کاری دے شعبیاںا چ تعاون ودھاوݨ دا وݙا موقع اے جو امن، سلامتی اتے ترقی سانڳے چینی تجربیاں توں فیدہ چاتا ونڄے، ساݙی توجہ ہک جامع گورننس اتے معاشی اصلاحات تے ہے تاں جو غیر یقینی بین الاقوامی معاشی منظر نامے اچ ساݙی معیشت تکڑی تھیوے، حکومت کاروبار دوست ماحول ودھیندی پئی اے، خدمات دے شعبے سانڳے ووکیشنل ٹریننگ پروگرام ودھاوݨ تے کم تھیندا پئے، ہنرمندی دی ترقی کیتے پبلک پرائیویٹ پارٹنرشپ دی حوصلہ افزائی کیتی ویسی، چینی سرمایہ کاری منصوبیاں (سی سی او سی آئی پی) دی نگرانی، پاکستان اچ چینی اہلکاراں، منصوبیاں اتے اداریاں دی حمایت و تحفظ ترجیح اے، سرمایہ کاری کیتے خصوصی سرمایہ کاری سہولت کونسل (ایس آئی ایف سی) ہک اہم قدم اے جو وفاق اتے سؤبیاں وچال تعاون سودھا کاروبار اچ سوکھ، رکاوٹاں مکاوݨ سودھا غیر ملکی سرمایہ کاری نال ملک اچ زراعت، کان کنی، انفارمیشن ٹیکنالوجی اتے توانائی ڄھیں اہم شعبیاں کو اڳونہا کیتا ویندا پئے۔
ساݙے اصلاحاتی اقدامات و بیرونی براہ راست سرمایہ کاری ودھاوݨ دے ترجیحی شعبیاں کوں سی پیک دے اپ گریڈڈ ورژن یعنی ترقی، معاش، جدت، گرین اتے کھلی راہداریاں دیاں 5 راہداریان نال جوڑ ݙتا ڳئے جیندے اچ “گروتھ کوریڈور”، آئی ٹی و گرین کوریڈور، “اوپن کوریڈور” توانائی و زراعت، کان کنی و معدنیات، اپ گریڈڈ ورژن کوں ایف ڈی آئی اتے صنعتکاری ودھاوݨ شامل اے۔ اساں “نویں معیار دی پیداواری قوتاں” اچ ٻیا اعلی تعلیمی تعاون ڳحنݨ چاہندوں، بین الاقوامی امن و علاقائی ستحکام، پائیدار ترقی، خوشحال اتے پرامن ڄڳ کیتے حقیقی کثیر الجہتی عزم دے حامی ہیں، چینی صدر دے ” 3 وݙے عالمی اقدامات” جیویں گلوبل ڈویلپمنٹ انیشیٹیو، گلوبل سکیورٹی انیشیٹیو اتے گلوبل سولائزیشن انیشی ایٹو دی تجویز تے نال ہیں، پاکستان ہر ݙکھ سکھ اچ چین دے نال اے، ساݙی آپت اچ سماجی، ثقافتی و اقتصادی روابط دا ہک بہترین ترکہ اے ڄیڑھا روز ݙیہاڑی ٻیا تکڑا تھیندا پئے، شاہراہ ریشم چین کوں پاکستان دے ذریعے مشرق وسطی، افریقہ و یورپ نال جڑیندی اے جیندے نال ݙوطرفہ تجارت، علم و ثقافت اڳونہا تھیندا پئے، چین پاکستان اقتصادی راہداری (سی پیک) بیلٹ اینڈ روڈ انیشی ایٹو (بی آر آئی) دا ہک فلیگ شپ منصوبہ اتے ترقی دی مثال اے۔ وزیراعظم امید کیتی اے جو ݙوہاں ملکاں دے ڳانݙھے نال پاک چین تعاون ٻیا ودھسی اتے نویں دور اچ مشترکہ مستقبل دی ہک مضبوط چین پاکستان کمیونٹی سامݨے آسی۔
