_*(سکول)*_

_*(سکول)*_

 

اُوکھی سوکھی نویں(9) کیتی

میں وی دسویں(10) داخل ھویا

 

حالت قسمیں جنگی ویکھی

دُنیا رنگ برنگی ویکھی

 

پہلا ھفتہ اُوکھا سی

سارا اکھ دا توکھا سی

 

جمعہ ، جمعہ آٹھ دن لنگھے

ٹیچر فیر ناں لگن چنگے

 

سکول اکثر دیر نال پہنچاں

پٹھیاں سدھیاں آون سوچاں

 

میرا وی کوئی بیلی بن جائے

ایک ادھی سیلی بن جائے

 

پنج، ست میرے بیلی بن گئے

کی دساں او زندگی بن گئے

 

کتاباں نال بنے ناں ساڈی

بنک وی مارے قسم خدا دی

 

ناں کُجھ دینا ناں کُجھ لینا

سارا دن کینٹین تے بہنا

 

اِک دُوجے دا درد ونڈانا

اِک دُوجے نوں گل نل لانا

 

زندگی سوکھی لنگھدی پئی سی

پتا نئیں کتھوں پیپر آ گئے

 

کتاب نوں ھتھ کوئی لاندا نئیں سی

کجھ وی آندا جاندا نئیں سی

 

ماڑیاں جاناں اُوکھیاں پھسیاں

رب دے اُتے ڈوراں سٹیاں

 

پڑھن دا فیر ارادہ کیتا

ساریاں رل کے وعدہ کیتا

 

فیر کی سی سارے جڑ گئے

بتھیری ساریاں ھمت ماری

 

آخر پیپر ھال وچ آ گئے

خوب فیر ورکے کالے کیتے

 

اُوکھیاں سوکھیاں پیپر دتے

ساڈے وی ساہ سوکھے ھوئے

 

بس فیر سارے ھو گئے ویلے

ایک دوجے توں وچھڑ گئے سارے

 

پچھے ھُن بس یاداں ای نے

او دن ھُن ولنے نئیں

 

سارا کُجھ ای پُل جاناں اے

دن سکول دے پُلنے نئیں.

مصنفہ سدرہ بتول