کراچی اچ پانڑیں نا ملن تِ احتجاج، سمندر اچ پانڑیں ھِ لیکن کراچی دے عوام پانڑیں کوں ترسدے پئن
ہڑتال دی وجہہ توں ٹریفک گھنٹیاں تک بلاک، کیماڑی دے رہاون والیاں کوں صبر دا ٹیکا
کراچی ( سرائیکی نیوز) حب چوکی تِ کیماڑی نال ملحقاں خاندان پانڑیں دے قطرے قطرے کوں ترس گئے انہاں نے بلا آخر پانڑیں نا ملن دی وجہہ توں سٹرک بند کر کے احتجاج کیتا نیٹی جیٹی نال منسلک علاقیاں اچ ٹریفک گھنٹیاں تک پھنس گیا، انہاں نے آکھیا کہ سمندر دے شہر اچ رہاون دے باوجود اساں پانڑیں دے قطرے قطرے کوں ترسدے ودے ہیں پانڑیں خرید کہ پیون تِ مجبور کیتا ویندا پئے۔ انہاں آکھاں اساڈے بال پانڑیں واسطے ترسدے پئن لیکن کوئی پرسان حل کینی جیئیں ویلے آواز چاندوں اساں کوں صبر دا ٹیکا لا تِ چپ کروا ڈیتا ویندے ٨٠٠٠ توں ودھ آباد خاندان نے آکھیاں کہ پانڑیں جئیں ویلے نا ملسی تاں سڑکاں تِ آسوں۔ اے حکومت دا فرض بنڑدے کہ او اساں تک پانڑیں پہجاوے، ٹیکس بھرن واسطے ہر غریب نمبر اچ رکھا ویندے لیکن سہولتاں پھجاون واسطے صرف تاجراں کوں نظر اچ رکھا ویندے۔
