لاہور۔ 30 مارچ(اے پی پی) کراچی کنگز دے فاسٹ بالر حسن علی تے ضابطہ اخلاق دی خلاف ورزی تے جرمانہ لا ݙتا ڳئے۔ پی سی بی مطابق اے واقعہ لاہور قلندرز دے خلاف میچ اچ پیش آیا جݙاں حسن علی 19 ویں اوور اچ بلے باز حسیب اللہ کوں آؤٹ کرݨ دے بعد نامناسب رویہ اختیار کیتے۔ انہاں آؤٹ کرݨ دے بعد مخالف کھلاڑی کوں اکساوݨ کیتے غلط زبان اتے اشارے استعمال کیتن۔ میچ ریفری معاملے تے انہاں تے میچ فیس دا 10 فیصد جرمانہ لائے۔ حسن علی وی اپݨی غلطی من ڳھدی اے، تہوں انہاں تے مزید کارروائی نئیں کیتی ڳئی۔
