اسلام آباد۔ 2 اپریل (اے پی پی) سپیکر قومی اسمبلی سردار ایاز صادق نال پاکستان اچ کینیڈا دے ہائی کمشنر طارق علی خان پارلیمنٹ ہاؤس اچ ملاقات کیتی ۔
ملاقات اچ سانجھی دلچسپی دے امور تے ڳالھ مہاڑ کیتی ڳئی جیندے اچ مختلف شعبیں اچ ݙو پاسہ تعاون کوں مزید ودھاوݨ تے خصوصی توجہ ݙتی ڳئی اے۔
ݙوہیں پاسوں تجارت، سرمایہ کاری، تعلیم تے استعداد کار اچ ودھارا وانڳوں مشترکہ ترجیحی شعبیں اچ تعاون کوں تکڑا بݨاوݨ تے اتفاق کیتا ڳئے۔سپیکر قومی اسمبلی آکھیا جو پاکستان کینیڈا دے نال اپݨے پراݨے تعلقات کوں وݙی اہمیت ݙیندے ۔
انھاں ݙوہیں ملکاں وچال پارلیمانی تعاون مزید ودھاوݨ دی لوڑھ تے زور ݙتا۔ انھاں آکھیا جو پاکستان دی پارلیمنٹ دنیا دی پہلی گرین پارلیمنٹ ہووݨ دا اعزاز رکھیندی اے تے ملک اچ بالخصوص زراعت تے معدنیات دے شعبیں اچ سرمایہ کاری دے وسیع موقع موجود ہن۔
کینیڈا دے ہائی کمشنر جمہوری اقدار دے ودھارےتے ادارہ جاتی ترقی کیتے پاکستان دی کوششاں دی تعریف کیتی تے کینیڈا دی گہری دلچسپی دا اعادہ کیتے۔
