وفاقی شرعی عدالت نے ٹرانس جینڈر ایکٹ توں متعلق فیصلہ سنڑیندے ہووے آکھیا کہ خواجہ سرا اپنڑیں جنس تبدیل نی کر سکدے تے جنس دا تعین انسان دے احساسات دی بنیاد تے نی کیتا ونج سکدا، وفاقی شرعی عدالت دے قائم مقام چیف جسٹس سید محمد انور تے جسٹس خادم حسین نے خواجہ سراواں دے حقوق توں متعلق ٹرانس جینڈر ایکٹ دیخلاف کیس دا محفوظ سنڑایا، انہاں فیصلہ سنڑیندے ہووے آکھیا کہ خواجہ سرا اپنڑیں جنس تبدیل نی کروا سکدے جبکہ او مرد یا عورت وی نہیں سڈوا سکدے۔
اں حوالے نال آکھا گئیا کہ اسلام خواہ سرواں کوں تمام انسانی حقوق فراہم کریندا ھِ حکومت ایں گالھ دی پابند ھِ کہ ایہو جئے افراد کوں طبی، تعلیمی ، معاشی سہولیات دے نال نال تمام حقوق فراہم کرے۔ انہاں دا آکھݨ ھا کہ وراثت اچ حصہ جنس دے مطابق ھی مل سکدا ھِ تے مرد ہووے یا عورت او خود کوں بائیولوجیکل جنس توں ہٹا تے خواجہ سرا آکھواوے تاں اے غیر شرعی ہوسی وفاقی شرعی عدالت نے فیسلے اچ آکھیا کہ جنس دا تعلق انسان دے باعیولوجیکل سیکس نال ہوندا ھِ نماز روزہ ، ح سمیت کئی عبادتاں دا تعلق جنس نال ھِ تے جنس دا تعین انسان دے احساسات دی بنیاد تے نی کیتا ونج سکدا۔ وفاقی شرعی عدالت نے فیصلے اچ ٹرانس جینڈر ایک ٹدے سیکش ٢ این ٣ ، سیکشن ٢ ایف ، سیکشن ٣ تے سیکشن ٨٧ کوں خلاف شریعت قرار ڈیتا۔ فیصلے اچ آکھا گئیا کہ اسلام اچ خواجہ سرواں دا تصور تے ایں حوالے نال احاکامات موجود ھن تے خواجہ سرا آئین اچ درج تمام بنیادی حقوق دے مستحق ھن۔
انہاں دا آکھݨ ھا کہ خواجہ سرواں دی جنس دا تعین جسمانی اثرات تے غلب جنس دی بنیاد تے کیتا ویسی ، جئیں تے مرد دے اثرات غالب ھن او مرد خواجہ سرا تصور ہوسی۔ عدالت نے آکھیا کیہ شریعت کہیں کوں نامرد تھئی تے جنس تبدیلی دی اجازت نی ڈیندی لہذا کوئی شخص اپنڑیں مرضی تون جنس تبدیل نی کر سکدا تے جنس اوہو رھاسی۔ جو پیدائش دے ویلے ھائی ۔ شرعی عدالت نے ٹرانس جینڈر ایکٹ دے تحت بنڑݨ والے رولز اچ وی غیر شرعی قرار ڈیندے ہووے آکھیا کہ انہاں دفعات دی کوئی قانونی حیثیت کینی ۔
یاد رھاوے اے قانون ٢٥ ستمبر ٢٠١٢ کوں سپریم کورٹ دے فیصلے دے بعد بنڑایا گئیا ھا ایں ویلے قانون اچ آکھا گئیا ھا کہ خواجہ سراواں کوں او تمام حقوق حاص ھن جنہاں دی ائین ضمانت ڈینا ھِ خواجہ سرا معاشرے دے دیگر بندیان دی طرح حسب معمول زندی گزار سکدے ھن ۔ ایں ویلے دے چیف جسٹس افتخار محمد چوہدری ، جسٹس جواد ایس خواجہ تے جسٹس خلجی عارف حسین تے مشتم ٣ رکنی بینچ نے اے فیصلہ سنڑایا ھا۔ اے درخواست اسلامی ماہر قانون ڈاکتر محمد اسلم خاکی دی طرفوں دائر کیتی گئی ھائی جیندے اچ ھر مافروڈائٹ بالاں دی آزادی درخواست کیتی گئی ھائی تاکہ او بھیک منگن ، نچݨ تے جسم فروشی دی بجائے با عزت طریقے نال زندگی گزار سکن۔
