چیئرمین سینیٹ صادق سنجرانی دی ژوب اچ امیر جماعت اسلامی سراج الحق دے قافلے دے نیڑے بم دھماکے دی مذمت

اسلام آباد۔19مئی  (اے پی پی) چیئرمین سینیٹ محمد صادق سنجرانی ضلع ژوب اچ امیر جماعت اسلامی سراج الحق دے قافلے دے نیڑے بم دھماکے دی مذمت کیتی اے۔  سینٹ سیکرٹریٹ موجب چیئرمین سینیٹ آکھیا جو دہشت گردی دا اے واقعہ جمہوریت اتے اساݙی قوم تے حملہ اے۔ چیئرمین سینیٹ دھماکے اچ شہید تھیوݨ آلیاں دے ٹبراں نال تعزیت کیتی اتے زخمیاں دی جلدی صحت یابی کیتے دعا کیتی۔ انہاں آکھیا جو پاکستانی قوم دہشت گردی دے خلاف متحد اے اتے ذمہ واراں کوں جلدی کیفر کردار تئیں پجایا ویسی۔ چیئرمین سینیٹ محمد صادق سنجرانی امیر جماعت اسلامی سراج الحق دی خیریت دی خبر تے اطمینان کیتا۔