اسلام آباد (اے پی پی)وفاقی وزیر خزانہ و محصولات سینیٹر محمد اسحاق ڈار نال اتصلات دا وفد ابوظہبی دے پاکستانی سفارت خانہ اچ ملیے۔ وفد پاکستان اچ کمپنی دے آپریشنز اتے مستقبل دے کاروباری منصوبیاں دا ݙسایا۔ وزیرخزانہ آکھیا جو حکومت ملک اچ تجارت، کاروبار اتے سرمایہ کاری کیتے سازگار ماحول تے توجہ ݙیندی پئی اے جیندے کیتے اصلاحات پروگرام تے عملدرآمد کیتا ویندا پئے، حکومت ملک اچ سرمایہ کاری سانڳے مکمل معاونت کریسی۔
