وزیر اعظم محمد شہباز شریف دا بند پاور پلانٹس فوری بحال کرݨ دا حکم
لاہور (اے پی پی) وزیر اعظم محمد شہباز شریف دا بند پاور پلانٹس فوری بحال کرݨ دا حکم ݙیندیں ہوئیں لوڈشیڈنگ بارے رپورٹ منڳ ڳھدی اے۔ اتوار کوں وزیراعظم آفس میڈیا ونگ توں جاری بیان موجب وزیر اعظم محمدشہباز شریف دی صدارت اچ بجلی دی لوڈ شیڈنگ اتے توانائی دے بحران تے قابو پاوݨ بارے ہک اہم اجلاس اتوار کوں لاہور اچ تھیا۔ اجلاس اچ وفاقی وزیر منصوبہ بندی احسن اقبال، وزیر مملکت براے پیٹرولیم مصدق ملک شریک تھیے جڈانجو وفاقی وزیر خزانہ مفتاح اسماعیل،وفاقی وزیر برائے توانائی انجنئیر خرم دستگیر،وفاقی وزیر اطلاعات تے نشریات مریم اورنگزیب،رکن قومی اسمبلی شاہد خاقان عباسی اتے وزیر اعظم دے معاون خصوصی براے پبلک پالیسی/اسٹریٹجک کمیونیکیشنز فہد حسین ویڈیو لنک توں شریک تھیے۔ ایں موقع تے اعلیٰ سرکاری افسر وی اجلاس اچ موجود ہن۔ اجلاس اچ ملک اچ جاری بجلی دے بحران کوں حل کرݨ تے ڳالھ مہاڑ کیتی ڳئی۔ وزیراعظم بند پاور پلانتس فوری بحال کرݨ دا حکم ݙتا۔ انہاں ہدایت کیتی جو لوڈشیڈنگ بارے فوری رپورٹ جمع کرائی ونڄے۔
