روس یوکرین دے خلاف فوجی کاروائی شروع کر ݙتی، اقوام متحدہ دے سیکرٹری جنرل دی جنگ بند کرݨ دی اپیل، نیٹو دی کونسل آف ایمبیسیڈرز دا ہنگامی اجلاس سݙ ڳھدا ڳٰے، سرحدی علاقیاں اچ دھماکے دیاں آوازاں
اقوام متحدہ۔24فروری (اے پی پی) روس یوکرین دے خلاف فوجی کاروائی شروع کر ݙتی اے۔ روسی وزارت دفاع دے مطابق صدر پیوٹن ولون لوگانسک اتے ڈونیسک دی مدد نال تحریری درخواستاں تے یوکرین دے خلاف فوجی کاروائی دے اعلان دے بعد یوکرین اچ فوجی ٹھکاݨیاں کوں نشانہ ٻݨایا ویندا پئے جئیں اچ فوج اتے فضائیہ دی تنصیبات اتے فوجی ہوائی اݙے شامل ہن۔ روسی وزارت دفاع دے مطابق یوکرین دی مسلح افواج دی نقل و حرکت کوں جدید ترین ہتھیاراں دی مدد نال غیر موثر کیتا ویندا پئے۔ یوکرین دے وزیر خارجہ دمتری کولیبا آکھیا جو روسی فوج انہاں دے ملک دے خلاف وݙے پیمانے تے فوجی کاروائی شروع کر ݙتی اے اتے اساں آپݨے ملک دا دفاع کریسوں۔ اقوام متحدہ دے سیکرٹری جنرل دی جنگ بند کرݨ دی اپیل، نیٹو دی کونسل آف ایمبیسیڈرز دا ہنگامی اجلاس سݙ ڳھدا ڳٰیا۔
