سردار عثمان بزدار دی اڳواݨی اچ جنوبی پنجاب اچ ترقیاتی کماں دا ڄال وچھدا پئے، ترجمان پنجاب حکومت حسان خاور

لاہور۔23جنوری(اے پی پی)معاونِ خصوصی وزیر اعلی پنجاب برائے اطلاعات و ترجمان حسان خاور آکھیے جو جنوبی پنجاب دے عوام جنوبی پنجاب صوبہ سانڳے ن لیگ اتے پیپلز پارٹی دے کھوکھلے وعدے، کھلی منافقت اتے دوغلی پالیسی دے ݙنڳیے ہوئن، اے جماعتاں جنوبی پنجاب دے عوام دا احساس محرومی ودھاوݨ دے جرم اچ ساڄھے دار ہین۔ ہک بیان اچ انہاں آکھیا جو صوبے دی سیاسی تاریخ اچ پہلی واری وزیراعظم عمران خان اتے وزیر اعلی پنجاب سردار عثمان بزدار جنوبی پنجاب اچ ٻغیر کہیں وانڄھ دے ترقیاتی کم شروع کر تے اتھو دے عوام کوں انہاں دا حق ݙتے، سردار عثمان بزدار دی اڳواݨی اچ جنوبی پنجاب اچ ترقیاتی کماں دا ڄال وچھدا پئے، جنوبی پنجاب سیکریٹریٹ اتھو دے لوکاں کیتے پی ٹی آئی حکومت دا وݙا تحفہ اے اتے جنوبی پنجاب صوبہ ٻݨاوݨ کیتے ہک اہم پیش رفت اے۔