مظفر آباد آ ونجو یا میکوں یا عمران خان کوں سر ی نگر آونڑ دی دعوت ڈیو،کھیر دا کھیر اتے پانڑی دا پانڑی تھی ویسی،وزیر خارجہ مخدوم شاہ محمود قریشی دا بھارتی وزیر دفاع دے گھڑیے گئے بیان دا ڈو ٹوک جواب
اسلام آباد ۔ وزیر خارجہ مخدوم شاہ محمود قریشی ’ بھارتی وزیر دفاع دے گھڑیے گئے بیان دا ڈو ٹوک جواب ڈیندیں ہوئیں آکھیا جو مظفر آباد آ ونجو یا میکوں یا عمران خان کوں سر ی نگر آونڑ دی دعوت ڈیو،کھیر دا کھیر اتے پانڑی دا پانڑی تھی ویسی۔سنوار کوں وزیرخارجہ بھارتی وزیردفاع دا مقبوضہ کشمیر دی صورتحال اتے آزاد جموں تے کشمیر بارے ریمارکس دا ڈو ٹوک جواب ڈیندیں ہوئیں آکھیا جو جتنا کشمیری اج بھارت سرکار نال نفرت کریندن اتناپچھلے کئی ڈھاکیاں توں کائنا ہئی ۔اگر او واقعی سمجھدن جو کشمیری انہاں نال ہن تاں میں انہاں کوں دعوت ڈینداں او مظفر آباد آونجن اتے ڈیکھن جو کتنے کشمیری انہاں دی ہاں نال ہاں ملیندن۔انہاں آکھیا جو مودی سرکار غلط فہمی دا شکار اے۔ اے پی پی
ہندوستان دے عزائم کو ںں بے نقاب کرݨ پاروں فورم دا چنڑاﺅ اپنڑی ترجیحات دے مطابق کریندے پﺅں۔ وزیر خارجہ مخدوم شاہ محمود قریشی
وزیر خارجہ مخدوم شاہ محمود قریشی آکھیا جو ہندوستان دے عزائم کو ںبے نقاب کرنڑ سانگے فورم دا چنڑاﺅ اپنڑی ترجیحات دے مطابق کریندے پﺅں۔سنوار کوں اپنڑے ہک بیان اچ وزیرخارجہ آکھیا جو سکیورٹی کونسل دی ممبر شپ سانگے خاص طریقہ کار اے۔سکیورٹی کونسل دے ممبر شپ دے خواہشمند ملک کئی سال ایں سانگے لابنگ کریندن۔انہاں آکھیا جو ہر ملک دا اپنڑاں استحقاق اے۔بھارت اتے پاکستان ست ست واری سکیورٹی کونسل دے ممبر رہ گئن۔ہنڑ سوال اے جو بھارت دے منفی رویے دا جیڑھا جو سارے جگ دے سامنڑے اے اتے انہاں سکیورٹی کونسل دی قرارداداں دا حشر کیتے اتے مقبوضہ جموں تے کشمیر اچ انسانی حقوق دی خلاف ورزیاں کریندا پئے۔وزیرخارجہ آکھیا جو جتھاں تئیں سکیورٹی کونسل دی ممبر شپ دا تعلق اے تاں اے ہک لمبا طریقہ کار اے پاکستا ن وی ممبر شپ سانگے لابنگ کریندا پئے ۔
