وزیراعظم عمران خان’ چیف سیکرٹری تے آئی جی پنجاب کوں ذخیرہ اندوزاں، ناجائز منافع خوراں دی نشاندہی کرݨ اتے انہاں کوں سزا ڈیوݨ دی ہدایت کیتی اے،اوکھے ویلھے ذخیرہ اندوزی کرݨ آلیاں کوں بے نقاب کیتا ویسی، معاون خصوصی برائے اطلاعات تے نشریات ڈاکٹر فردوس عاشق اعوان دا ٹویٹ
اسلام آباد ۔ وزیر اعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو وزیراعظم عمران خان’ چیف سیکرٹری اتے آئی جی پنجاب کو ںذخیرہ اندوزاں، ناجائز منافع خوراں دی نشاندہی کرنڑ اتے انہاں کوں سزا ڈیونڑ دی ہدایت کیتی اے،اوکھے ویلھے ذخیرہ اندوزی کرنڑ آلیاں کوں بے نقاب کیتا ویسی۔بدھ کوں اپنڑے ٹویٹ اچ انہاں آکھیا جو وزیراعظم عمران خان ڈیرہ غازی خان دے سینٹرل کنٹرول روم اچ ایران توں آونڑ آلے زائرین سانگے قرنطینہ اچ کیتے گئے اقدامات دا جائزہ گھدا۔قرنطینہ مرکز اچ زائرین توں انہاں دی خریت پچھی اتے پنجاب اچ کوروناوائرس بارے صورتحال تے اجلاس دی صدارت کیتی۔ چیف سیکرٹری پنجاب ’ صوبے اچ کو رونا وائرس بارے صورتحال تے بریفنگ ڈتی۔
