شکار پور(سرائیکی نیوز) سندھ دے ضلع شکار پور ءچ مبینہ مقابلے ءچ دہشت گرد تنظیم داعش دے صوبائی امیر تے انہاں دے ساتھی کوں مارݨ دا اعلان کریندے ہووے آکھیا کہ ڈونہیں ملزمان شکار پور امام بارگاہ بم دھماکے تے سیہون خود کش حملے دے ماسٹر مائنڈ ھن، سندھ پولیس دے ترجمان دے مطابق انٹیلی جنس معلومات تے پولیس شکار پور ھک مقام تے پھجی جیتھاں ملزمان نے پولیس تے فائرنگ کر ݙیتی پولیس دء جوابی فائرنگ ءچ ڈونہیں ملزمان ہلاک تھئی گئے ترجمان دے مطابق ملزمان ءچ داعش سندھ دے امیر عبداللہ بروہی تے انہاں دا ساتھی حفیظ پندرانی شامل ھن
پولیس حکام دے مطابق ابتدائی تفتیس ءچ اے گالھ سامنڑیں آئی ھِ کہ ڈونہاں ملزمان نے شکار پور ءچ امام بارگاہ تے تھیوݨ والے بم دھماکے ءچ مرکزی کردار ادا کیتا ھا ، انہاں دے نال ڈونہاں ملزمان سیہون ءچ لعل شہباز قلندر دے مزار تے خود کش حملے دے ماسٹر مائنڈ ھن، حکام دا آکھم ھِ کہ متعدد تخریبی کارروائیاں ءچ ملوث تھیوݨ دے باعث ہلاک ملزمان پولیس کوں انتہائی مطلوب ھن۔ سندھ پولیس دے انسپکٹر جنرل سید کلیم امام نے مقابلے ءچ انتہائی مطلوب ڈو دہشت گرداں دی ہلاکت تے ایس ایس پی شکار پور تے انہاں دی ٹیم کوں شاباشی ݙیندے ہووے ٢٠ لکھ روپے نقد انعام دا اعلان کیتا ھِ یاد رھاوے کہ داعش نے ٢٠١٧ فروری ءچ صوفی بزرگ لعل شہباز قلندر دے سیہون ءچ واقع مزار تے خود کش حملے دی ذمہ داری قبول کیتی ھائی ایں حملے ءچ ٨٠ توں زائد بندے جان بحق تھئے ھن تے سینکڑاں زخمی تھئے ھن
