اسلام آباد(سرائیکی نیوز) چیف جسٹس سپریم کورٹ آف پاکستان میاں ثاقب نثار دا پاکستان انٹر نیشنل ایئر لائن پی آئی اے طیاریاں تے قومی پرچم دی جاء مارخور دی تصویر لاوݨ دا نوٹس گھیندے ہووے ادارے کوں مذکورہ اقدام توں عارضی طور تے روک ݙیتا۔ میاں ثاقب نثار نے ریماکرس ݙیتے کہ قومی پرچم دی جگہ ھک جانور دی فوٹو لائی ویندی پئی ھِ ایں تے ایم ڈی پی آئی اے نے جواب ݙیتا کہ مارخور قومی جانور ھِ ایندی فوٹو طیارے دی ٹیل تے پینٹ کیتی ویندی پئی ھِ جئیں تے عدالت نے برہمی دا اظہار کریندے ہووے آکھیا کہ حکومت دی طرفوں پی آئی اے دی بہتر کارکردگی کیتے ٢٠ ارب دل بل آؤٹ پیکج ݙیتا گئیا ھا نا کہ طیاریاں کوں پینٹ کرݨ کیتے اے رقم ݙیتی ویندی پئی ھِ عدالت نے ریمارکس ڈیندے ہووے آکھیا کہ پی آئی اے منافع ءچ ھِ جو ایہو جئے کم کریندی پئی ھِ چیف جسٹس نے ایم ڈی پی آئی اے توں پچھ گچھ کریندے ہووے آکھیا کہ ھک جانور ، قومی پرچم دی جگہ گھن گھینے ایندے پینٹ تھیون تے کتنی لاگت آسی جیئں تے ایم ڈی پی آئی اے نے جواب ݙیتا کہ ھک جہاز تے لات ٢٧ لکھ آسی تے ہر جہاز کوں ٤ سال بعد دوبارہ پینٹ کرواونڑاں ہوسی۔ جئیں تے چیف جسٹس نے ریمارکس ݙیتے کہ ٢٧ لکھ نی بلکھ ٣٤ لکھ ھِ انہاں نے ایم ڈی پی آئی اے توں سال کیتا کہ میڈی پی آئی اے دی فلائٹ ڈیڈھ گھنٹہ تاخیر دا شکار ھائی کیا تساں تاخیر دی وجہہ ڈسا سکدے وے؟ ایم ڈی پی آئے دا آکھن ھا کہ جہاز دی مرمت ، تاخیر دی وجہہ بنڑی ، چیف جسٹس نے ایم ڈی پی آئی توں پچھ گچھ کیتی کہ تساڈی قابلیت کیا ھ میں تساڈی کارکردگی دا جائزی وی گھنساں، سپریم کورٹ نے پی آئی اے کوں طیاریاں توں قومی پرچم ھٹاوݨ توں روکیندے ہووے کیس دی سماعت ملتوی کر ݙیتی۔ خیال رھاوے کہ ٧ اپریل ٢٠١٨ کوں پاکستان دی قومی ایئر لائن نے اپنڑیں طیاریاں دے پچھوں تے انجݨ تے قومی جانور ، مارخور دی تصویر متعارف کروا ݙیتی ۔ پی آئی اے دے لوگا دا فونٹ وی تبدیل کر تے ایں طیارے دے تلے ہی آویزاں کیتا گئیا ھا تاکہ پرواز دے ویلے زمین توں وی ݙیٹھا ونج سکے ۔ قبل ایہو جی تبدیلی ١٠ سال پہل سامنڑیں آئی ھائی تے اے تبدیلی پروازاں کوں بہتر بنڑاون ، خوش نما کرݨ تے بزنس پلان دا حصہ ھن۔ وزیر اعلی مشیر برائے ہوا بازی سردار مہتاب احمد نے تقریب دے دوران مارخور دی تصویر تے پی آئی اے ءچ ایں حوالے نال کیتی ونجن والی تبدیلی کوں متعارف کروایا ھا ، سردار مہتاب خان دا آکھن ھا کہ پی آئی اے نے دنیا ءچ اپنڑی شناخت بحال کرݨ کیتے اے قدم چات تے ایندے کیتے ضروری ھا کہ پی آئی اے کوں ھک مختلف برانڈ دے طور تے پیس کیتا ونجے انہاں دا آکھݨ ھا کہ پی آئی اے دا اے اقدام قوم دی طرفوں مارخور جانور دے تحفظ دے وعدے دی عکاسی کریندا ھِ انہاں آکھیا کہ میں ایں کوشش کوں سرھیندا ھاں ۔ مارخو اساݙا قومی تے ھک جنگو جانور ھِ جو مشکل وقت ءچ وی ہمت نی چھوڑیندا۔
