عام انتخابات توں پہلے پی آئی اے کوں فروخت کرن دا منصوبہ زیر غور
اسلام آباد(سرائیکی نیوز) وفاقی حکومت نے عام انتخابات توں قبل پاکستان انٹرنیشنل ایئر لائن پی آئی اے کوں فروخت کرن دا منصوبہ بنڑاں گھیدا، وزیر برائے نجکاری دانیال عزیز نے غیر ملکی میڈیا کوں انٹرویو ڈیندے ہووے آکھیا کہ حکومت نے پی آئی اے کوں فروخت کرن دا منصوبہ تیار کر گھیدا ھِ جیئں کوں کابینہ دے اجلاس اچ پیس کیتا ویسی ، دانیال عزیز نے آکھیا کہ پی آئی اے فروخت کرن دا منصبہ اگلے ہفتے کابینہ کمیٹی دے تحت ایئرلائن کوں پی آئی اے دے دیگر شعبیاںاچ بشمول ہوٹلز، کیٹرنگ تے مینٹیننس توں الگ کرن تے توجہ ڈیتی ویسی۔ بعد ازاں قومی ایئر لائن کوں فرخت کر ڈیتا ویسی ۔ پی آئی اے دے تمام اے ٹی آر طیاریاں کوں گراونڈ کر ڈیتا گئیا ۔ ھک انگریزی اخبار دی رپورٹ اچ ناں دے بغیر ھک آفیشل حوالے ڈیندے ہووے ڈسایا گئیا کہ ماضی اچ امارات تے اتحاد ایئر لائن پی آئی اے کوں خریدن اچ دلچسپی دا اظہار کر چکے ھن تاہم 2016 اچ حکومت نجکاری توں پچھی تے ھٹ گئی۔ یاد رھاوے حکومت ایں توں پہلے پی ٹی سی ایل ، اسٹیل میل ، تے کے ایس سی کوں فروخت کر چکی ہے ایندے بعد ریلوے بچدے اوندی بولی لگن باقی ھِ
