ایران اچ حالیہ واقعات اچ امریکا دا گھناونا کردار سبھ تے آشنا تھئی چکا ھِ ، پال کریک رابرٹس
تہران (سرائیکی نیوز ) ھک امریکی تجزیہ کار نے ایران دے حالیہ ناخوشگور واقعات اچ امریکہ دے واضح کردار دی طرف اشارہ کریندے ہووے آکھیا کہ 1979 اچ اسلامی انقلاب دی کامیابی دے بعد ہی واشنگٹن ایران تے دوبارہ کنٹرل کرن دی کوششاں کریندا آندا پئے۔ اپنڑیں ھک مضمون اچ پال کریک رابرٹس نے ایران دے حالیہ ناخوشگور واقعات اچ امریکہ دے واضح کردار دی طرف اشارہ کر ڈیتا۔ انہاں نے آکھیا کہ ایران اچ رونما تھیون والے واقعات اچ امریکہ دا کردار واضح ھِ تے اقوام متحدہ نے انہاں واقعات تے اقوام متحدہ دی سیکورٹی کونسل نال رجوع کرکے اسلامی جمہوریہ ایران اچ مزید مداخلت کرن دی کوشش کیتی۔انہاں نے آکھیا کہ امریکہ اسلامی جمہوریہ ایران کوں غیر مستحکم کرن اچ کامیاب تھیا ھِ تاں یقینی طور تے امریکہ دا اگلا ہدف روس یا چین ہوسی۔ انہاں نے روس دے نائب وزیر خارجہ سرگئی ریاب کوف دے ایں بیان تے کہ امریکہ اسلامی جمہوری ایران دے داخلے معاملات اچ مداخلت کرن توں بعض رھاوے دی طرف اشارہ کریندے ہووے آکھیا کہ روسی حکومت کہیں کوی وی شام دی طرح اسلامہ جمہوریہ ایران کوں وی غیر مستحکم تھیون دی اجازت نا ڈیسی۔
انہاں آکھیا کہ امریکی آبادی جو ہمیشہ اپنڑی حکومت تے سی این این نیو یارک ٹائمز واشنگٹن پوسٹ دی جھوٹیاں خبراں تے بھروسہ کریندی ھِ دے بغیر دنیا دی ساری آبادی دنیا بھر دے تنازعات اچ امریکہ دے واضح کردار توں روبرو ھن۔ قابل ذکر ھِ کہ بعض مالیاتی اداریاں اچ سرمایہ کاری کرن والے لوگاں نے اپنڑیں پیسے ڈب ویندن تے مہنگائی دے خلاف گذشتہ 28 دسمبر توں ملک دے بعض شہراں اچ مظاہرے کیتے گئے تے او حکومت توں مالیاتی اداریاں دی کڑی نگرانی دا مطالبہ کریندے رھے لیکن مظاہرایاں دی صفاں اچ شامل تھیون والے شرپسند عناصر نے نجی املاک عام لوگ تے سیکورٹی اہلکاراں تے حملے کر تے احتجاج کوں تشدد اچ بدل ڈیتا۔
امریکہ ، سعودی عرب تے بعض مغربی دیگر حکومتاں نے ایران اچ تعصب پیدا کرن دی کوشش کرن والے شر پسند عناصر دی کھلے عام حمایت کرن دا اعلان کیتا ھا لیکن ایرانی عوام نے فتنہ گھر عناصر تے انہاں دے سرپرستاں دی تمام سازشاں تے فتنیاں کوں ناکام بنڑاں ڈیتا۔
