سابق ایئر چیف مارشل (ر) اصغر خان حرکتِ قلب بند تھیون نال انتقال کر گئے

اصغر خان ١٩٥٧ اچ ایئر چیف دے عہدے تے فائز تھئے ھن ایں وقت انہاں دی عمر ٣٦ سال ھائی تے او کم عمر ترین فضائیہ دے سربراہ قرار پائے ھن

ایبٹ آباد (سرائیکی نیوز ) سابق ایئر چیف مارشل اصغر خان حرکت قلب بند تھیون دی وجہہ توں انتقال کر گئے

خاندانی ذرائع دے مطابق سابق ایئر چیف مارشل اصغر خان گزشتہ کئی ڈنہواراں توں سی ایم ایچ راوالپنڈی اچ زیر علاج ھن تاہم اج جمعہ کوں سویر دے وقت انہاں کوں دل دا دورہ پیا جیندی وجہہ توں او این جہاں فانی توں کوچ کر گئے مارشل اصغرخان دی عمر ٩٧ سال ھائی انہاں دی نماز جنازہ کل ہفتے کوں نواں شہر اچ ادا کیتی ویسی۔

واضح رھاوے کہ اصغر خان ١٩٥٧ اچ ایئر چیف دے عہدے تے فائز تھئے ھن ایں وقت انہاں دی عمر ٣٦ سال ھائی تے او کم عمر ترین فضائیہ دے سربراہ قرار پائے ھن انہاں نے سرکاری ذمہ داریاں توں سکبدوس تھیون دے بعد تحریک استقلال دے ناں توں سیاسی جماعت قائم کیتی جیندے اچ بھٹو دور اچ سخت اپوزیشن دا کردار ادا کیتا ۔ ایئرمارشل اصغر خان نے جنوری 2012 کوں اپنڑی سیاسی جماعت تحریک انصاف اچ ضم کر ڈیتی ھائی۔