اسلام آباد (سرائیکی نیوز۔ اے پی پی) وفاقی وزیر داخلہ ، منصوبہ بندی ، ترقی و اصلاحات رپوفیسر احسن اقبال آکھیندے ھن ملک اچ تیز تر ترقی خوشحال سانگے سیاسی استحکام تے پالیسیاں دا تسلسل ضروری ھِ سی پیک نے پاکستان کوں دنیا دا پسندیدہ ملک بنڑاں ڈیتے، وزن 2025 دے ذریعے پاکستان دنیا دی بہترین 25 تے 2047 دے ذریعے 10 وڈی معیشتاں اچ شامل تھئی ویسی ، چین پاکستان اقتصادی راہدری دے طویل المعیاد منصوبے دے افتتاح دے موقع تے کیتا ، ایں موقع تے پاکستان اچ چین دے سفیر زاو زنگ سمیت وفاقی تے صوبائی حکومتاں دے عہیدار ، کاروباری تے صنعت دے نمائندے ماہرین تعلیم ، ذرائ ابلاغ دے ڈوجہی ممتاز شخصیات نے تقریب اچ شرکت کیتی۔ احسن اقبال دا آکھن ھا کہ موجودہ حکومت دے اقدامات نال مک تیزی نال ترقی کریندا پئے دنیا دا ہر مستند جریدہ پاکستان کوں ابھردی ہوئی معشیت قرار ڈیندے پئے کیا ایں کوں تبدیلی نا آکھیسوں، تبدیلی تاں ایہو آندی پئی ھِ کہ سی پیک نے پاکستان کوں دنیا دا پسندیدہ ترین ملک بنڑاں ڈیتے پاکستان اسٹاک ایکشچینج کوں ایشیاء دی بہترین اسٹاک ایکسچینج قرار ڈے ڈیتا ہے ملکی زر مبادلہ دے ذخائر اچ تریھ گناہ اضافہ تھئے انہاں نے آکھیا کہ چین پاکستان اقتصادی راہداری دے طویل المعیاد منصوبے دا باضابہ آغاز کر ڈیتا گئیا ھِ ایں منصوبے نال سماجی اقتصادی ڈھانچے ، تعلیم تے صحت سمیت نویں شعبیاں اچ تعاون کوں فروغ ڈیون دا موقع ملسی، سی پیک منصوبہ دنیا اچ جاری سب توں وڈا ترقیاتی منصوبہ ھِ 55 ارب ڈالر مالیت توں زائد دا پاک چین اقتصادی راہداری منصوبہ پاکستان کوں تیز رفتار اقتصادی ترقی دی شاہراہ تے گھن ویسی، طویل کشادہ تے محفوظ سڑکاں ، توانائی دے منصوبے انڈسٹریل پارک تے گوادر بندر گاہ دا منصوبہ جئیں دی تکمیل دہشت گردی دے خلاف جنگ توں متاثر ہ پاکستان واسطے روشن مستقبل دی نوید ھِ وفاقی وزیر نے مزید آکھیا کہ سی پیک دے قلیل المنتی منصوبے 18-2017 جبکہ طویل المدتی منصوبہ 2020 توں 2030 تک مکمل تھئی ویسی چین صنعتی تعاون پاکستان کوں خطہ اچ پیداواری مرکز بنڑاں ڈیسی، صنعتی زونز دے قیام توں مقامی صنعت کاری واسطے سرمایہ کاری دے بے شمار موقے پیدا تھیسن چین دی صنعت پاکستانی صنعت کیتے خطرہ نی بلکہ تجربیہ مہارت تے سیکھن دے موقے گھن تے آسی، چینی صنعتاں دی پاکستان اچ منتقلی نال پاکستان دا صنعتی شعبہ مستحکم تھیسی ، چینی صنعتاں دی پاکستان اچ منتقلی توں بے روزگاری دا خاتمہ ، مختلف شعبیاں اچ معلومات دا تبادلہ تے مہارت اچ اضافہ تھیسی۔
