قرضیاں اچ ریکارڈ اضافہ، اسٹیٹ بینک نیں اعداد و شمار جاری کر ڈیتے
پی آئی اے 124 ارب ، پاکستان اسٹیل مل 43 ارب جبکہ دیگر سرکاری ادارے 574 ارب روپے دے مقروض ھن
اسلام آباد(سرائیکی نیوز) پاکستان تے قرضیاں اچ ریکارڈ اضافہ تھئی گئیا قرضیاں دا مجموعی حجم پنجھی ہزار آٹھ سو ارب تک پھج گئیا، اسٹیٹ بینکآف پاکستان نے نویں اعداد و شمار جاری کر ڈیتے ، سرکاری ادارے وی قرضیاں دی دلدل اچ دھنسے ہووے ھن۔
کشکول توڑن دے دعویدار حکومت نے قرضیاں دے انبار لا ڈیتے اسٹیٹ بینک آف پاکستان دے مطابق تریھ ستمبر تک پاکستان دے ذمہ مجموعی قرضہ تے واجبات پنجھی ھزار آٹھ سو وی ارب تک پھج گئے، ایں دوران اندرونی قرضے پندرہ ہزار تریھ سو پچھتر ارب جبکہ باہر دے قرضہ اٹھ ھزار پنجھ سو چھالیی ارب روپے تک ونجن پھجے ۔ سال 2013 اچ جئیں ویلے مسلم لیگ ن اقتدار اچ آئے تاں پاکستان مجموعی طور تے چوڈہ ھزار تریھ سو اٹھارہ ارب روپے دا مقروض ھا ایویں چار سال اچ گھیدے گئے قرضیاں اچ ساڑھے گیارہ ہزار ارب روپے دا اضافہ تھئی گئیا پیپلز پارٹی دے دور حکومت اچ قرضیاں اچ آٹھ ھزار ھک سو بانوے ارب ربپے جبکہ پرویز مشرف دے دور اچ تری ہزار ھک سو اسی ارب روپے اضافہ تھیا ۔ مرکزی بینک دے مطابق سرکاری ادارے وی قرضیاں دی دلدل اچ پھنس چکے ھن پی آئی اے دے ذمہ ھک سو چویں ارب ، پاکستان اسٹیل ملز تنتالی ارب جبکہ دیگر سرکاری ادارے پنجھ سو چوہتر ارب روپے دے مقرض ھن۔
