اسلام آباد   (اے پی پی) وزیر اعظم دے معاون خصوصی امور نوجواناں عثمان ڈار آکھیے جو کہیں وی سیاسی جماعت نال تعلق رکھنڑ آلے نینگر وزیراعظم عمران خان دی ولوں تشکیل ڈتی گئی ٹائیگر فورس دا حصہ بنڑ سگدن ، نازک صورتحال دے باوجود ٹائیگر فورس اچ شمولیت کیتے وڈی تعداد اچ نینگر اں رجسٹریشن کرائی اے جیں تے انہاں دا مشکور آں تے انہاں دی بہادری کوں سلام پیش کرینداں ۔ اتوار کوں نجی ٹی وی چینل نال گال مہاڑ کریندے ہوئیں انہاں آکھیے جو اساں ٹائیگر فورس کوں ضلعی سطح تے منظم کریسوں ، انہاں علاقیں توں متعلقہ قومی اسمبلی دے ارکان تے ڈپٹی کمشنرز فوکل پرسن ہوسن۔ عثمان ڈار آکھیے جو غریب خانداناں تئیں راشن دی فراہمی کوں یقینی بنڑاونڑ کیتے ہک مناسب طریقہ کار طے کیتا ویسی جیں دے بعد ٹائیگر فورس دے نینگر اپنڑے اپنڑے علاقیں اچ ذمے واریاں نبھیسن ۔ایندے نال نال او مشتبہ طور تے وائرس توںمتاثرہ لوکاں دی نشاندہی کرنڑ دے وی ذمے وار ہوسن ۔ عثمان ڈار آکھیے جو ٹائیگر فورس دے ارکان کوں مہلک وباءتوں محفوظ رکھنڑ حکومت دی ذمے واری ہوسی ایں مقصد کیتے وزیر اعظم آفس اچ کنٹرول روم قائم کیتا گے تے مانیٹرنگ ٹیماں وی بنڑائیاں گئن ۔انہاں آکھیے جو میں خود وی ٹائیگر فورس دا حصہ بنڑنڑ کیتے رجسٹریشن کرائی اے۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.